दक्षिण कोरियामा कार बिक्री बन्द गर्दै होन्डा, यस्तो छ कारण

होन्डाले दक्षिण कोरियामा २३ वर्षदेखि सञ्चालनमा रहेको आफ्नो कार बिक्री व्यवसाय बन्द गर्ने निर्णय गरेको छ । सन् २००४ मा बजारमा प्रवेश गरेको कम्पनीले बदलिँदो विश्वव्यापी रणनीति र स्थानीय बजारमा घट्दो हिस्साका कारण यस्तो कदम चालेको जनाएको छ।

दक्षिण कोरियामा होन्डाका सवारी साधनहरूको माग पछिल्ला वर्षहरूमा निरन्तर घट्दै गएको थियो। दक्षिण कोरियामा हुन्डाई र किया जस्ता ब्रान्डले बलियो पकड बनाएको छ भने जर्मन लक्जरी कम्पनीको लोकप्रियता पनि तीव्र रूपमा बढेको छ। यसले गर्दा होन्डाका अकर्ड र सिआर भी जस्ता मोडलले सीमित ग्राहक मात्र पाउन सकेका थिए।

यद्यपि, होन्डाले दक्षिण कोरियामा आफ्नो मोटरसाइकल र पावर उत्पादनसम्बन्धी व्यवसाय भने निरन्तर सञ्चालनमा राख्ने जनाएको छ। यस निर्णयमार्फत कम्पनीले कम प्रतिफल दिने बजारबाट बाहिरिँदै राम्रो सम्भावना भएका क्षेत्रमा ध्यान केन्द्रित गर्ने रणनीति लिएको बुझिएको छ।

रिपोर्टका अनुसार सो निर्णय विश्व अटो उद्योगमा भइरहेको परिवर्तनसँग जोडिएको छ, जहाँ विद्युतीय सवारी साधन र नयाँ प्रविधिमा लगानी तीव्र रूपमा बढिरहेको छ । होन्डाले पनि भविष्यमा विद्युतीकरण र उन्नत प्रविधिमा केन्द्रित हुने संकेत दिएको छ।