१५० र १२५ सिसीमा होण्डाका २ नयाँ स्कुटर आउने

होन्डा मोटरसाइकल इण्डियाले २ नयाँ स्कुटरको पेटेन्ट दर्ता गराएको छ । अन्तराष्र्टिय बजारमा बिक्री हुँदै आइरहेका १५० सिसीको विनर एक्स र १२५ सिसीको एनएस१२५एलए मोडललाई भारतमा उत्पादन गर्ने गरी पेटेन्ट दर्ता गराइएको हो । यी स्कुटरको उत्पादन कहिलेदेखी हुन्छ भन्ने विषयमा भने कुनै जानकारी वाहिर आएको छैन ।

यी दुई मोडलमध्ये विनर एक्स एक स्पोर्टी स्कुटर हो । जसमा १७ इन्चको एलोई ह्विल दिइएको छ । यसमा जडान गरिएको लिक्विड कुल्ड सिंगल सिलिन्डर इन्जिनको पावर १५.६ एचपी र टर्क १३.५ एनएम रहेको छ । यसमा ६ स्पिड गियरवक्स जडान गरिनेछ ।

फिचरको मामलमा यो स्कुटर प्रिमियम हुने जनाइएको छ । यसमा एविएस, किलेस स्टार्ट, पूर्णत डिजिटल इन्स्ट्रयुमेन्ट, यूएसवी चार्जिङ पोर्ट र सम्पूर्ण भागमा एलइडी लाइट लगायत उपलब्ध हुनेछ ।

यसैगरी अर्को फेमिली स्कुटर एनएस१२५एलएमा १२४.९ सिसीको एयरकुल्ड इन्जिन जडान हुनेछ । यसको अधिकतम पावर ८.७९ एचपी र टर्क ९.८७ एनएम रहनेछ । यो स्कुटरपनि विनर एक्स जत्तिकै फिचर लोडेड हुने भएपनि एबिएस भने उपलब्ध हुनेछैन ।