हिरो स्प्लेन्डरसंग प्रतिस्पर्धा गर्न होण्डाले १०० सीसीको नयाँ मोटरसाइकल ल्याउने

जापनिज टु ह्विलर निर्माता होण्डाले भारतीय बजारमा १०० सिसीको नयाँ मोटरसाइकल लन्च गर्ने तयारी थालेको छ । यो इन्ट्रिल लेवल कम्युटर मोटरसाइकललाई कम्पनीले मार्च महिनाभित्र लन्च गरिसक्ने जनाएको छ । लन्च भएपछि यसले हिरो स्प्लेन्डरसंग प्रतिस्पर्धा गर्ने वुझिएको छ ।

होण्डाले हाल कम सिसी सेग्मेन्टमा सिडी ११० र एसपी साइन १२५ उत्पादन गरी विक्री वितरण गर्दै आइरहेको छ । यी दुवै मोडलले बजारबाट राम्रो प्रतिक्रिया पाएपछि कम्पनीले अर्को कम सिसीको नयाँ मोटरसाइकल ल्याउन लागेको हो ।

यो नयाँ मोटरसाइकलको पावरट्रेन, फिचर र पर्फमेन्सवारे कुनै जानकारी वाहिर आएको छैन । यद्यपी यो नयाँ मोटरसाइकल मास मार्केट लक्षित हुने र हल कारोवार भइरहेका यहि सेग्मेन्टका प्रतिस्पर्धी वण्डको तुलनामा फिचर लोडेड हुने कम्पनीको भनाई छ । यसको मूल्य ७१ हजार भारुमा विक्री भइरहेको सिडी ११० भन्दा कम पर्ने जनाइएको छ ।

यो नयाँ मोटरसाइकल संगै होण्डाले भारतीय बजारलाई लक्षित गरी नयाँ इलेक्ट्रिक स्कुटर, १२५ सीसीको अर्को नयाँ स्कुटर र रोयल इन्फिल्डसंग प्रतिस्पर्धा गर्ने गरी ३५० सीसीमा नयाँ मोटरसाइकल लन्च गर्ने योजना बनाएको छ । कम्पनीले केही दिन पहिलेमात्र एक्टिभा एच–स्मार्ट लन्च गरेको थियो ।