२०४० सम्ममा पेट्रोलबाट चल्ने मोटरसाइकलको उत्पादन बन्द गर्ने होण्डाको घोषणा

जापनिज टु ह्विलर ब्राण्ड होण्डाले पेट्रोलबाट चल्ने मोटरसाइकलको उत्पादन पूर्ण रुपमा वन्द गर्ने घोषणा गरको छ । मिडिया रिपोर्टका अनुसार कम्पनीले आफ्नो सम्पूर्ण पेट्रोल मोटरसाइकल लाइनअपलाई बन्द गर्ने र सन् २०४० सम्ममा सबै इलेक्ट्रिक फ्लीटमा स्विच गर्ने भनिएको छ ।

कम्पनीको २०२४ को लगानी रणनीति बैठकमा यो घोषणा गरिएको हो । कम्पनीले एक विज्ञप्ति जारी गर्दै यस्तो लेखेको छ, ‘होण्डाले मोटरसाइकल र अटोमोबाइल जस्ता साना मोबिलिटी उत्पादनहरूको क्षेत्रमा ईभी सबैभन्दा प्रभावकारी समाधान हो भन्ने आफ्नो विश्वासलाई परिवर्तन गरेको छैन । ईभीलाई यसको विश्वव्यापी रूपमा सत् प्रतिशत प्रतिनिधित्व गर्ने होन्डाको विद्युतीकरण लक्ष्य छ । जसअनुसार २०४० सम्ममा होण्डाका सबै उत्पादन ईभी मात्रै हुनेछन् ।’

होण्डाले मोटरसाइकल लगायत साना मोविलिट उत्पादनमा शक्ति दिने मोबिलिटी पावर प्याक (एमपीपी) पनि प्रस्तुत गर्ने बताएको छ । कम्पनीले ४ एमपिपी सहितको मोटरसाइकललाई २०२६ मा जापानमाा लन्च गर्ने घोषणा समेत गरेको छ ।