६ गतेसम्म होन्डाको तिहार एक्सचेन्ज महोत्सव

होण्डा टु ह्विलर्सको नेपालका लागि आधिकारिक विक्रेता स्याकार ट्रेडिङ्ग कम्पनीले ‘तिहार एक्सचेन्ज महोत्सव’ नामक आकर्षक ग्राहकमुखी उपहार योजना ल्याएको छ ।

यो योजना अन्तर्गत ग्राहकहरूले, प्रत्येक एक्सचेन्जमा थप ७ हजार रुपैयाँको साथै दशैं/तिहार योजना रोज्न सक्नेछन् । त्यसैगरी, होन्डाका पहिलो २५० जना ग्राहकले एक्सचेन्जको न्यूनतम मूल्याङ्कन ५० हजार रुपैयाँ पाउने बताइएको छ ।

यो योजना कार्तिक १ देखि ६ गतेसम्म सीमित अवधिको लागिमात्र लागू हुने जनाइएको छ । नेपालमा सर्वाधिक रुचाइएको होण्डाको मोटरसाइकल तथा स्कुटरको हकमा आएको यो आकर्षक उपहार योजनाले ग्राहकमा थप उत्साह जगाउने विश्वास कम्पनीले लिएको छ ।