संघाई अटो शोमा होन्डाले देखायो ३ नयाँ इभी

होन्डाले चीनमा जारी संघाई अटो शोमा ३ वटा नयाँ इलेक्ट्रिक कार प्रदर्शनी गरेको छ । कम्पनीले ईःएनपी२, ईःएनएस२ र ईःएन जीटी कन्सेप्टलाई सो एक्सपोमा प्रदर्शनी गरेको हो । यी मध्ये ईःएनपी२ र ईःएनएस२ उत्पादन हुने चरणमा रहेका एसयूभी हुन् भने ईःएन जीटी निकट भविष्यमा आउने तयारीमा रहेको अर्को नयाँ इभीको कन्सेप्ट हुने जनाइएको छ ।

ईः एनपी२ लाई होन्डाले चीनमा डोङफेङ र ईःएनएस२ लाई जेएसीसंगको सहकार्यमा उत्पादन गर्न लागेको हो । यी कार आगामी वर्ष चीनमा लन्च हुने र लगत्तै अन्तराष्ट्रिय बजारमा पनि उपलव्ध हुने जनाइएको छ । कम्पनीले हाल चीनमा ईःएनएस१ र ईः एनपी१ इभीलाई समेत निर्माणको अन्तिम चरणमा पुर्याएको छ ।

होन्डाका अनुसार ईःएनपी२ र ईःएनएस२ मा प्रमुख विभन्नता यसमा दिइने लाइटिङमा देखिनेछ । ईःएनएस२ मा पुजो मोडलको जस्तै एंगुलर डेटाइम रनिङ लाइट हुनेछ भने ईःएनपी२ होन्डाको नयाँ सीभीक जस्तै देखिनेछ । साथै ईःएन जीटी होन्डाको अर्को एसयूभी सी–आरभी एसयूभीबाट प्रेरित रहेको देख्न सकिनेछ ।

यी नयाँ इभीमा कुन साइजको व्याट्री र कति क्षमताको मोटर जडान हुनेछ भन्ने विषयमा कम्पनीले कुनै जानकारी वाहिर ल्याएको छैन । साथै यी कारमा उपलब्ध हुने फिचरका वारेमा पनि विस्तृत विवरण दिइएको छैन् । रेन्जको कुरा गर्नुपर्दा यी इलेक्ट्रिक एसयूभीले सींगल चार्जमा ५०० किलोमिटर माथी दिने अनुमान गरिएको छ ।