१ वर्षमा ३ लाख युनिट साइन १०० बिक्री, नेपाली बजारमा आउन बाँकी

होन्डाको सबैभन्दा सानो सिसी मोटरसाइकल साइन १०० लन्च भएको एक वर्षमै भारतमा ३ लाख युनिट बिक्री भएको छ । होन्डा मोटरसाइकल एण्ड स्कुटर इन्डियाले साइन १०० को पहिलो वार्षिकोत्सवको अवसरमा उक्त माइलस्टोन हाँसिल गरेको सार्बजनिक गरेको हो ।

साइन १०० को बिक्रीले सफलता हात पारेपछि होन्डाले १०० देखी ११० सिसी सेग्मेन्टमा ठूलो बृद्धि हाँसिल गरेको उल्लेख गरिएको छ । यो सेग्मेन्टमा होन्डासंग अर्को मोडल सिडी ११० पनि उपलब्ध छ । आकर्षक मूल्य र कम इन्धन खपतका कारण साइन १०० पहिलो पटक खरिदकर्ताहरूमध्ये उत्कृष्ट रोजाइ भएको कम्पनीले जनाएको छ ।

६४ हाजर ९०० भारुमा बिक्री हुँदै आएको यो नयाँ मोटरसाइकल नेपाली बजारमा भने उपलब्ध हुन सकेको छैन । बाइकमा १०० सिसी क्षमताको सिंगल सिलिन्डर इन्जिन जडान गरिएको छ ।

४ स्पिड गियर वक्ससंग जोडिएको उक्त इन्जिनले ७.२८ बीएचपी र ८.०५ एनएम टर्क जेनेरट गर्दछ । यो मोटरसाइकलले प्रति लिटर पेट्रोलको खपतमा ५५ किलोमिटर माइलेन दिने दावी छ ।