होन्डाले लन्च ग-यो नयाँ होन्डा साइन १२५, जान्नुहोस् मूल्य र फिचर

होन्डा मोटरसाइकल एन्ड स्कुटर इन्डियाले ओबीडी २ कम्प्लायन्ट इन्जिनसहित नयाँ होन्डा साइन १२५ भारतीय बजारमा लन्च गरेको छ ।

होन्डाले नयाँ साइन १२५ ड्रम र डिस्क ब्रेक गरी २ भेरिएन्टमा लन्च गरेको छ । ड्रम ब्रेक भेरिएन्टको मूल्य ७९ हजार ८ सय र डिस्क ब्रेक भेरिएन्टको मूल्य ८३ हजार ८ सय भारु राखिएको छ ।

कम्पनीले नयाँ साइन १२५ बाइक १० वर्षको वारेन्टीसहित लन्च गरेको छ, जसमा ३ वर्षको स्ट्यान्डर्ड वारेन्टी र ७ वर्षको अप्सनल एक्सटेन्डेड वारेन्टी समावेश छ । यद्यपि एक्सटेन्डेड वारेन्टीका लागि थप शुल्क तिर्नुपर्नेछ । सो बाइक ५ कलर विकल्पमा लन्च गरिएको छ ।

कम्पनीले नयाँ रियल ड्राइभिङ इमिसन नर्म्स अन्तर्गत बाइकमा १२५ सीसी इन्जिन प्रयोग गरेको छ । सो इन्जिनले १०३ बीएचपीे पावर र ११ एनएमको टर्क जेनेरेट गर्छ । यसको इन्जिन ५ स्पिड गियरबक्समा जोडिएको छ । कम्पनीले इन्जिनमा घर्षण कम गर्न घर्षण रिडक्सन टेक्नोलोजी प्रयोग गरेको छ, जसले इन्जिनको तापक्रम कम राख्न मद्दत गर्छ ।

नयाँ होन्डा साइन १२५ मा १६२ एमएम ग्राउन्ड क्लियरेन्स र १२८५ एमएम ह्विलबेस छ । यसमा कम्पनीले एसीजी साइलेन्ट स्टार्ट मोटर जडान गरेको छ, जसले ठूलो आवाज नगरी इन्जिन सुरु गर्छ ।

बाइकमा एनालग स्पिडोमिटर, इन्धन मिटर, इन्जिन स्टार्ट÷स्टप स्विच र हेलोजन टेल लाइटसहित हेलोजन हेडल्याम्प रहेको छ । बाइकमा १८ इन्चको अलोय ह्विलसहित ट्युबलेस टायर समावेश छ ।

बाइकमा क्रोम गार्निससहितको बोल्ड फ्रन्ट भाइजर, उत्कृष्ट ग्राफिक्स, ईएसपी, एसीजी स्टार्टर, डीसी हेडल्याम्प, ५ स्टेप एडजस्टेबल रियर सस्पेन्सन, एक्सटर्नल फ्युल पम्प जस्ता फिचर दिइएको छ ।