२३ वर्षमा होण्डाले भारतमा बिक्री गर्यो ६ करोड बाइक, सर्बाधिक बिक्री हुने मोडल एक्टिभा

भारतीय बजारमा प्रवेश गरेको २३ वर्ष अबधीमा होण्डाले ६ करोड बढी मोटरसाइकल र स्कुटर बिक्री गरेको छ । सन् २००१ को जुन महिनामा आफ्नो पहिलो मोडल एक्टिभा स्कुटर ल्याएर बिक्री सुरु गरेको कम्पनीले ११ वर्षको अवधीमा १ करोड बाइक बिक्री गरेको थियो ।

त्यसपछिको तीन वर्ष अबधीमा अर्को १ करोड मोटरसाइकल र स्कुटर बिक्री गर्न सफल कम्पनीले अप्रिल २०१७ मा ३ करोड बाइक बिक्री हाँसिल गरेको भन्दै खुसियाली मनाएको थियो । त्यसपछिको ७ वर्ष अबधीमा कम्पनीले अर्को ३ करोड मोटरसाइकल र स्कुटर बिक्री गर्दैै २३ वर्ष अबधीमा ६ करोड पुर्याएको हो ।

पहिलो मोडलका रुपमा लन्च भएको एक्टिभा स्कुटर हालसम्म पनि सर्बाधिक बिक्री हुने होण्डा मोडलमा गनिँदै आएको छ । यो स्कुटर भारतमा महिनाकै २ लाख युनिट हाराहारीमा बिक्री हुन्छ ।

कम्पनीले हाल भारतमा एक्टिभा स्कुटर सहित डिओ तथा ग्राजिया स्कुटर उत्पादन गरी बिक्री गर्दै आएको छ भने मोटरसाइकलमा साइन एसपी, यूनिकर्न, हर्नेट, सिडी ११०, एक्सब्लेड, हाइनेस सिबी ३५०, सिबी ३५० आरएस र सिबी २०० एक्स लगायत मोडलका मोटरसाइकल उपलब्ध छ ।

नेपाली बजारमा समेत सर्बाधिक बिक्री हुने टु–ह्विलर ब्राण्डका रुपमा परिचित यसको डिओ र ग्राजिया स्कुटर सर्बाधिक बिक्री हुने स्कुटरमा पर्छन । यसैगरी मोटरसाइकलमा साइन सर्बाधिक बिक्री हुँदै आएको छ ।