सीबी ३५० मा आधारित नयाँ स्क्र्याम्ब्लर बाइक ल्याउँदै होण्डा

सीबी ३५० मा आधारित नयाँ एड्भेन्चर मोटरसाइकलसंगै होण्डाले अर्को नयाँ स्क्र्याम्ब्लर बाइक पनि ल्याउने भएको छ । नयाँ मोटरसाइकलको पेटेन्ट डिजाइन दर्ता गरेर कम्पनीले यसबारे छनक दिएको हो । कम्पनीले दायर गरेको डिजाइन पेटेन्टले नयाँ मोडल सीबी ३५० मा आधारित हुने देखिएको छ ।

सीबी ३५० मा आधारित हुने हुँदा सो नयाँ मोटरसाइकलको आधारभुत फिचर र मेकानिकल सेटअपमा समानता पाइने अनुमान गरिएको छ । प्याटेन्ट डिजाइनमा देखाइएको तस्विर अनुसार सो बाइकमा गोलाकार हेडल्याम्प सहितको टिपिकल स्क्र्याम्ब्लर डिजाइन, आकर्षक फ्यूल ट्यांक, टु पीस सीट, फ्यूल ट्यांकको वारीपरि मेटल गार्ड र अपस्वेट एक्जस्ट लगायत विशेषता पाइनेछ ।

सो नयाँ स्क्र्याम्ब्लर सीबी ३५० जस्तै ३४९ सीसी सिंगल सिलिन्डर इन्जिनद्वारा संचालित हुने सम्भावना छ । बाइकको पावर २१ बीएचपी र टर्क ३० एनएम रहनेछ भने असिस्ट र स्लिपर क्लचमार्फत ५–स्पीड गियरबक्ससँग जोडिएको हुनेछ ।