भदौ ७ पछि होन्डाको मूल्य बढ्ने, बुकिङ गरी १२,५०० सम्म बचाउने मौका

काठमाडौं – होन्डा मोटरसाइकल तथा स्कुटरको मूल्य भदौ ७ पश्चात बढ्ने भएको छ । यो भन्दा पहिले नै आफूलाई मन पर्ने मोटरसाइकल वा स्कुटर बुकिङ गरी १२ हजार ५ सय रुपैयाँ सम्म बचाउन सकिने मौका उपलब्ध भएको होन्डा नेपालले जनाएको छ ।

होन्डा नेपालले आफ्नो फेसबुक पेजमा यस सम्बन्धी जानकारी प्रस्तुत गरेको छ । हाल विभिन्न कम्पनीहरुले मोटरसाइकल र स्कुटरको मूल्य वृद्धि गरिरहेका छन् । यस अनुसार होन्डाका मोटरसाइकल र स्कुटरको मूल्य पनि बढ्ने छ । बढीमा १२ हजार ५ सय रुपैयाँ सम्म मूल्य बढ्ने अनुमान गर्न सकिन्छ ।

नेपाली बजारमा होन्डाका मोटरसाइकल र स्कुटर लोकप्रिय छन् । पछिल्लो समयमा होन्डा हाइनेस सीबी ३५०, आरएस ३५० लगायतका मोटरसाइकल र बीएस६ डियो र ग्राजिया स्कुटर नेपाली बजारमा भित्रिएका छन् ।

हाल होन्डाका मोटरसाइकल र स्कुटर किन्दा ४ हजार ५ सय रुपैयाँ सम्मको छुट उपलब्ध छ । त्यसैगरी हालै भित्रिएका दुई मोटरसाइकल मध्ये हाइनेस सीबी ३५० को मूल्य ७ लाख ५० हजार भएकोमा २५ हजार रुपैयाँ छुटमा उपलब्ध छ । त्यसैगरी आरएस ३५० मोटरसाइकलको मूल्य ७ लाख ७५ हजार रुपैयाँ तोकिएको छ । तर बिक्री शुभारम्भको अवसरमा केही दिनका लागि यो मोटरसाइकल ७ लाख ३९ हजार ९ सय रुपैयाँमै उपलब्ध हुने बताइएको छ ।

नेपाली बजारमा उपलब्ध होन्डाका मोटरसाइकल र स्कुटर तथा तिनको मूल्य सूची यहाँ हेर्न सकिन्छ ।