होन्डा विग विंगमा थपियो सिवी ३०० एफ स्ट्रिटफाइटर, प्रतिवन्ध हटेपछि नेपाल आउने

होन्डाले अस्ति भारतमा नयाँ मोटरसाइकल सिवी ३०० एफ लन्च गरेको छ । होन्डा विग विंग अन्तर्गत पर्ने मो मोटरसाइकल हाइनेस सिवी ३५० र सिवी ३५० आरएस पछि आएको तेस्रो मोडल हो । जसको मूल्य भारतीय बजारमा २ लाख २६ हजार भारु निर्धारण गरिएको छ ।

स्ट्रिट न्याकेड स्टाइलको यो वाइकमा कम्पनीले होन्डाको ब्रान्ड न्यू इन्जिन र नयाँ डायमन्ड च्यासिस उपल्ब्ध गराएको छ । यो नयाँ वाइकले यसअघिको सिवी ३०० आरलाई विस्थापित गर्ने कम्पनीको भनाई छ । ३०० सिसी क्षमताको इन्जिन जडान गरिएको यसको अधिकतम पावर २४.५ एचपी र टर्क २५.६ एनएम रहेको छ । ६ स्पिड ट्रान्समिनस जडान गरियको यो नयाँ वाइकमा सिंगल ओभरहेड कामसाफ्टको साथै स्लिप एण्ड एसिस्ट क्लच दिइएको छ ।

यो नयाँ वाइकमा होन्डाले डिजिटल डिस्प्ले, एलइडी हेडल्याम्प, डअल च्यान एविएस, स्मार्टफोन कनेक्टिभिटी, होन्डा सेलेक्टेवल टर्क कन्ट्रोल र आकर्षको एलोई ह्विल जस्ता फिचर्स दिएको छ । अगाडी राइडरको आवश्यकता अनुसार तलमाथी गर्न मिल्ने फर्क र पछाडी ५ तवरबाट एडजस्ट गर्न मिल्ने मोनोशक सस्पेन्सन जडान गरिएको यो बाइक एकदमै आरमदायी रहेको छ ।

यो नयाँ वाइकले विएमडब्लू जी ३१० आर र केटिएम ३९० ड्युकसंग प्रतिस्पर्धा गर्ने देखिएको छ । होन्डाले यसअघि भारतीय बजारमा लन्च गरेको हाइनेस सिवी ३५० र सिवी ३५० आरएस मोडलस समेत नेपाल भित्रिसकेका कारण यो नयाँ मोडल समेत नेपाल आउने पक्कापक्कि जस्तै देखिन्छ । जसका लागि हाल लागु गरिएको आयतमाथीको प्रतिवन्ध नहटुन्जेल कुर्नुपर्ने हुन्छ ।