२०७८ साउन १३ बुधवार,

२०० सीसी सेग्मेन्टमा होन्डा हर्नेटको मूल्य १ लाख बढीले महंगो, यस्तो छ प्रतिस्पर्धी ब्रान्डको अवस्था

पावरफुल सेग्मेन्टका बाइकमा राइडरहरुको रुचि बढ्दै गएपछि टु ह्विलर कम्पनीहरु अहिले नयाँ नयाँ मोडललाई बजारमा उतार्ने होडबाजीमा उत्रेका छन् । विशेषतः २०० सीसी वा सो भन्दा माथिका बाइकलाई पावरफुल मान्ने गरिन्छ ।

यस्ता बाइकमा युवा राइडरले रुचि बढाउँदै गएका कारण अहिले धेरैजसो उत्पादक कम्पनीहरु यही सेग्मेन्टका बाइकको उत्पादनमा केन्द्रित भइरहेका छन् । जसको ज्वलन्त उदाहरण बनेको छ होन्डा । यो सेग्मेन्टमा होन्डाले हालै हर्नेट २.० लाई बजारमा उतारेको छ । यसअघि बजारमा बजाज र टीभीएसको राम्रो होल्ड रहदै आएकोमा नयाँ बाइक हर्नेटले कस्तो चुनौती पेश गर्ला यसका लागि भने केही समय कुर्नुपर्न हुन्छ ।

यस्ता छन् यी ३ बाइक
यो सेग्मेन्टमा सबैभन्दा पहिले नेपाल भित्रिएको बाइक हो पल्सर एनएस २०० । यो बाइक नेपाल भित्रिएको १ दशक हाराहारी समय भएको छ । त्यसैले पनि बजारमा एनएस २०० प्रयोग गर्ने राइडरहरु बढी संख्यामा छन् । उता पछिल्लो समय चर्चामा रहन सफल टीभीएस अपाचे आरटीआर २०० ४ भी नेपाल भित्रिएको ३ बर्ष पुरा भएको छ ।

यो अवधिमा अपाचे आरटीआर २०० ४भी बाइकले सेग्मेन्टमै पावरफुल र स्मार्ट कनेक्टेड फिचरयुक्त बाइकको पहिचान बनाएको छ । नयाँ पुस्ताका युवाहरुको रोजाइमा पर्न सफल भइरहेको आरटीआर पछिल्लो समय यो सेग्मेन्टमा सर्बाधिक बिक्री हुने बाइकको पहिलो स्थानमा पर्छ । यी दुई बाइकले एकछत्र बजार लिइरहेको अबस्थामा पछिल्लो समय सोही क्षमताको बाइक होन्डाले उतारेका कारण बजार थप प्रतिस्पर्धात्मक बन्ने देखिएको हो ।

बजाज पल्सर एनएस २०० मा १९९.५ सीसी क्षमताको सिंगल सिलिण्डर, ४ स्ट्रोक, एसओएचसी ४ भल्व, लिक्विड कूल्ड, ट्रिपल स्पार्क इन्जिन दिइएको छ । उक्त इन्जिनले २३ पीएस पावर र १८.३ एनएम टर्क जेनेरेट गर्छ । यो बाइकमा ६ स्पिड गियरबक्स दिइएको छ । त्यसैगरी अपाचे आरटीआर २०० ४ भिमा १९७.७५ सीसी सिंगल सिलिण्डर, ४–स्ट्रोक, ४–भल्व, आयल कुल्ड इन्जिन जडान भएको छ । जसले २०.५ पिएस पावर र १८.१ एनएम टर्क जेनेरेट गर्छ । जसमा ६ स्पिड गियरबक्स दिइएको छ ।

नयाँ बाइक होन्डा हनेर्टमा भने पल्सर एनएस र टीभीएस आरटीआरको तुलनामा केही कम सीसी क्षमताको इन्जिन जडान भएको छ । यो बाइकमा १८४ सीसी सिंगल सिलिन्डर, लिक्विड कुल्ड एफआई बीएस ६ इन्जिन रहेको छ । यो इन्जिनले १७.०३ पीएस पावर तथा १६.१० एनएम टर्क जेनेरेट गर्छ । यो बाइकमा भने ५ स्पिड गियरबक्स दिइएको छ ।

यी ३ वटै बाइकमा प्रायः समान प्रकारको फिचर्स उपलब्ध गराइए पनि अपाचे आरटीआरको हकमा भने केही नवीनतम प्रविधि प्रयोग भएको छ । जसलाई कम्पनीले स्मार्ट कनेक्टेड फिचर्स भनेको छ । यसमा ब्लुटुथ कनेक्ट गर्न मिल्ने फिचर्स दिइएको छ । जसमार्फत रेस टेलिमेट्री, टर्न बाई टर्न नेभिगेसन ,लिन एङ्गल मोड, साथै कल र एसएमएस अलर्ट जस्ता आधुनिक सेवा प्रयोग गर्न सकिन्छ । यी ३ वटै बाइकमा मोनोशक सस्पेन्सन उपलब्ध गराइएको छ भने एलईडी हेडल्याम्प तथा टेलल्याम्प र एबीएस जस्ता फिचर समेत उपलब्ध छ ।

मूल्य तथा प्रतिस्पर्धा
टीभीएस अपाचे आरटीआर २०० ४ भीको मूल्य नेपाली बजारमा ३ लाख २५ हजारदेखि ३ लाख ५१ हजार रुपैयासम्म कायम गरिएको छ । त्यसैगरी पल्सर एनएस २०० को ३ लाख ५६ हजार र नयाँ बाइक होन्डा हर्नेटको भने ४ लाख ६० हजार निर्धारण गरिएको छ ।

पावर र पर्फमेन्स कम भएपनि होन्डा हर्नेटको मुल्य यी २ बाइकको तुलनामा १ लाख बढीले महंगो पर्न जाने देखिएको छ । जसका कारण स्थापित भैसकेका पल्सर एनएस २०० र आरटीआर २०० ४ भीसँग नयाँ आएको हर्नेटलाई प्रतिस्पर्धा गर्न निकै कठिन पर्ने देखिन्छ ।

होन्डा ब्रान्डमा बिश्वास गर्ने ग्राहकले समेत ठूलो मूल्य अन्तरका कारण हर्नेटमा रुचि नदेखाइहाल्ने अबस्था रहनसक्छ । यो बाइकलाई नेपालमा बजार लिन मूल्य नै ठूलो चुनौती बन्ने देखिन्छ । यद्यपि होन्डाको नेपालका लागि आधिकारिक वितरक स्याकार ट्रेडिङ कम्पनीले हर्नेट २.० को मूल्य आधिकारिक रुपमा सार्वजनिक गरेको छैन । ग्राहकको प्रतिक्रिया अनुसार यसमा केही परिमार्जन गरिने समेत बताइएको छ ।

सम्बन्धित समाचारहरू

पटक पटक बढेको बजाज बाइकको मूल्य नयाँ वर्ष पश्चात फेरि बढ्यो

पटक पटक बढेको बजाज बाइकको मूल्य नयाँ वर्ष पश्चात फेरि बढ्यो

काठमाडौं – २०७७ सालमा पटक पटक बढेको बजाज बाइकको मूल्य नयाँ वर्ष २०७८ पश्चात...

बजाज डोमिनार ४०० : एकैपटक ७० हजार मूल्य घटाएर फेरि उत्तिकै मूल्य पु-याइएको बाइक

बजाज डोमिनार ४०० : एकैपटक ७० हजार मूल्य घटाएर फेरि उत्तिकै मूल्य पु-याइएको बाइक

काठमाडौं – बजाज डोमिनार ४०० नेपालमा मात्र नभएर भारतमा समेत धेरैले रुचाउने...

शुरुमा १ रुपैयाँ मात्र बुझाएर यसरी किन्न सकिन्छ होन्डाको लोकप्रिय स्कुटर डियो डिलक्स

शुरुमा १ रुपैयाँ मात्र बुझाएर यसरी किन्न सकिन्छ होन्डाको लोकप्रिय स्कुटर डियो डिलक्स

काठमाडौं – लकडाउन पश्चात उपलब्ध गराएको नयाँ खाले स्किम ‘१ रुपैयाँमा...

लोकप्रिय

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

काठमाडौं – नेपाली बजारमा दीगो ब्रान्डका इलेक्ट्रिक कार उपलब्ध गराइरहेको...