होन्डा हाइनेस सीबी ३५० र सीबी ३५० आरएस सोल्ड आउट, सेप्टेम्बरका लागि खुल्यो बुकिङ

काठमाडौं – नेपाली बजारमा हालै भित्रिएका होन्डाका दुई मोटरसाइकल हाइनेस सीबी ३५० र सीबी ३५० आरएस सोल्ड आउट भएका छन् । कम्पनीले यी दुई मोटरसाइकलको मूल्य क्रमशः ७ लाख ५० हजार र ७ लाख ७५ हजार भए पनि हाल केही समयका लागि ७ लाख २५ हजार र ७ लाख ३९ हजार ९ सय रुपैयाँमा उपलब्ध गराएको बताएको छ ।

अब सेप्टेम्बरका लागि नयाँ बुकिङ लिइने र यसका लागि बुकिङ खुलेको बताइएको छ । होन्डाको नेपालका लागि आधिकारिक वितरक स्याकार ट्रेडिङ कम्पनीले पहिले होन्डा हाइनेस सीबी ३५० र त्यसपछि सीबी ३५० आरएस मोटरसाइकल नेपाली बजारमा बिक्रीका लागि उपलब्ध गराएको हो ।

आकर्षक रेट्रो लुक्स मन पराउने सम्पूर्ण बाइक पारखीहरुको लागि निर्मित हाइनेस सीबी ३५० बाइकमा ३५० सीसीको इन्जिन छ । मोर्डन फिचरहरुले भरिपूर्ण यस बाइक सिंगल टोनमा प्रिसियस रेड मेटालिक, म्याट मार्सल ग्रिन मेटालिक, पर्ल नाइट स्टार ब्याल्क गरी ३ विभिन्न रङमा उपलब्ध छ ।

रियल टाइम माइलेज, एभरेज माइलेज र डिस्ट्यान्स टू एम्प्टी सूचित गर्ने डिजिटल क्नसोल, रिङ टाइप विंकरसहित एलईडी हेड ल्याम्प र टेल ल्याम्प, एस्सिट एन्ड सिल्पर क्लच् डिजिटल मिटर, लामो र आरमदायी सिटजस्ता यस बाइकको धेरै मध्यका केही विशेषताहरु हुन् ।

एडभान्स डिजिटल एनालग मिटर, डुएल च्यानल एबीएस साइड स्ट्यान्ड इन्डिकेटर, इन्जिन स्टार्ट र अफ स्विच, डिस्ट्यान्स टू एम्प्टी, एभरेज माइलेज र रियल टाइम माइलेज जस्ता विशेषताहरु यस सीबी ३५० आरएसमा रहेको कम्पनीले जनाएको छ ।