होन्डाले ल्यायो विश्वको पहिलो एयरब्याग जडित बाइक

होन्डाले कारमा जस्तै एयरब्यागको सुविधा भएको बाइक ल्याएको छ । सो बाइकको नाम होन्डा गोल्डविङ २०२४ हो ।

होन्डा गोल्डविङमा १८३३ सीसी, लिक्विड कुल्ड ४ स्ट्रोक २४ भल्भ एसओएचसी फ्ल्याट-६ इन्जिनले सुसज्जित गरेको छ । सो इन्जिनले ५५०० आरपीएममा ९३ किलोवाटको पावर र ४५०० आरपीएममा १७० एनएमको टर्क उत्पादन गर्छ । होन्डाले सो बाइकमा २१.१ लिटरको फ्युल ट्याङ्की दिएको छ । सो बाइकले अधिकतम १२४.७ बीएचपी पावर जेनेरेट गर्छ ।

होन्डा गोल्डविङमा ७ इन्चको कलर टीएफटी डिस्प्ले रहेको छ । यसका साथै गोल्डविङ टुरमा इलेक्ट्रिक विन्डशिल्ड, ब्लुटुथ कनेक्टिभिटी, फुल एलईडी लाइटिङ सिस्टम रहेको छ । बाइकमा एन्ड्रोइड अटो र एप्पल कारप्ले सपोर्ट दिइएको छ । साथै, यसमा ४ स्पिकर, टायर प्रेसर मनिटरिङ सिस्टम, एउटा एयरब्याग र २ वटा यूएसबी टाइप-सी पोर्ट दिइएको छ ।

यसको इन्धन ट्याङ्की सिट मुनि दिइएको छ । यसमा ३ वटा छुट्टा छुट्टै स्टोरेज बक्स र पछाडिको यात्रुका लागि क्याप्टेन सिट दिइएको छ। यसमा दिइएको एयरब्याग टक्करको समयमा खुल्नेछ। होन्डा गोल्डविङको प्रारम्भिक एक्स-शोरूम मूल्य ४४ लाख ५१ हजार भारु छ।