पुरानो मोटरबाइकसँग होन्डा मोटरबाइक साट्न सकिने, चल्दै होन्डा एक्सचेन्ज र फाइनान्स मेला

काठमाडौं – कुनै पनि पुरानो मोटरबाइकसँग होन्डा मोटरबाइक साट्न पाइने भएको छ । होन्डाको आधिकारिक विक्रेता स्याकार ट्रेडिङ कम्पनीले संचालन गरिरहेको ‘होन्डा एक्सचेन्ज र फाइनान्स मेला’ मा कुनै पनि पुरानो मोटरबाइक ल्याएर नयाँ मोटरबाइक साट्न पाइनेछ ।

मेलामा आफ्नो पुरानो बाइकसँग होन्डाको कुनै पनि नयाँ बाइक साट्दा उच्च मूल्यांकन रकमका साथमा तुरुन्तै ५ हजार र एक्सचेन्ज बोनस पनि पाइने कम्पनीले जानकारी दिएको छ । साथै, १० हजारसम्मको आकर्षक स्क्र्याच कुपन पनि साट्न पाइनेछ ।

कम्पनीका अनुसार मेलामा सस्तो अग्रिम भुक्तानी र निक्कै कम ब्याजदरमा नयाँ होन्डा खरिद पनि गर्न सकिने छ ।

होन्डा फाइनान्समार्फत मात्रै ५९ हजार ९९९ रुपैंयाको अग्रिम भुक्तानी र मात्रै १ प्रतिशतको ब्याजदरमा बाइक घर लान पाइने कम्पनीले जानकारी दिएको छ ।

जेठ १८ गतेदेखि सुरु भएको यस मेलाका योजनाहरुमा सहभागी हुन ग्राहकहरुले काठमाडौंका होन्डा मोटर बाइकको सबै डिलरहरुमा सम्पर्क गर्न सक्नेछन् ।