भारतिय बजारका लागि होन्डाको पहिलो ईभी एलीभेटमा आधारित हुने

होन्डाले छिट्टै भारतीय बजारमा आफ्नो पहिलो ईभी ल्याउने तयारी थालेको छ । नयाँ ईभी उत्पादनका लागी कम्पनीले राजस्थानस्थित प्लान्टलाई तयार पारिरहेको कम्पनीले जनाएको छ ।

जापानमा जारी टोकियो अटो शोमा होन्डा ब्यवस्थापनका उच्च प्रतिनिधीले भारतमा नयाँ ईभी उत्पादन गर्न कम्पनीले सो प्लान्टमा नयाँ उपकरण थप गर्ने प्रक्रिया अघि बढेको बताएका हुन् । सो प्लान्टबाट २०२४ देखी नै ईभीको उत्पादन सुरु गरिने र २०२५ देखी बिक्री सुरु गर्ने कम्पनीले तयारी थालेको हो ।

भारतमा उत्पादन हुने होन्डाको पहिलो ईभी एलिभेट एसयूभीमा आधारित हुने भएको छ । हुन्डाई क्रेटा र सेल्टोसको प्रतिस्पर्धीका रुपमा आएको एलिभेटलाई होन्डाले केही समयअघि मात्र भारतीय बजारमा लन्च गरेको थियो । सो नयाँ एसयूभी नेपाली बजारमा समेत उपलब्ध छ ।

राजस्थानस्थित प्लान्टबाट हुन्डाईले हाल सिटी सेडान र एलिभेट एसयूभी उत्पादन गरी विश्व बजारमा बिक्री गर्दै आएको छ । साथै कम्पनीले सोही प्लान्टबाट छिट्टै अमेज कम्प्याक्ट सेडानको पनि उत्पादन सुचारु गर्ने तयारी थालेको छ ।

सो प्लान्टबाट क्षमता अनुसार गाडी उत्पादन हुन नसकेपछि कम्पनीले ईभीका लागि छुट्टै प्लान्ट लगाउनुभन्दा भएकै प्लान्टलाई प्रयोग गर्न लागेको हो ।