होन्डा एलिभेट र हुन्डाई क्रेटा मध्ये कुनमा छ उत्कुष्ट फिचर ? जान्नुहोस्

होन्डाले सेप्टेम्बर ४, २०२३ मा नयाँ एलिभेट लन्च गर्ने भएको छ । यो मिड साइज एसयूभी हो । नयाँ होन्डा एलिभेटले हुन्डाई क्रेटा, किया सेल्टोस, मारुती ग्रान्ड भिटारा, टोयोटा हाइराइडर, फक्सवागन टाइगुन, स्कोडा कुशाक र अन्य कारसँग प्रतिस्पर्धा गर्नेछ ।

नयाँ हुन्डाई क्रेटा सन् २०२० मा लन्च भएदेखि हरेक महिना करिब १२ हजार युनिट बिक्रीको साथ आफ्नो सेग्मेन्टमा सबैभन्दा धेरै बिक्री हुने एसयूभी बनेको छ । हालसम्म कुनै पनि एसयूभीले हुन्डाई क्रेटाको यो ताज खोस्न सकेको छैन ।

होन्डा एलिभेट र हुन्डाई क्रेटामा फिचर यस्तो छः

होन्डा एलिभेट
होन्डा एलिभेटमा झुकेको र टेलिस्कोपिक स्टेयरिङ ह्विल समावेश छ । यसमा एप्पल र एन्ड्रोइड प्रयोगकर्ताका लागि वायरलेस स्मार्टफोन जडान छ । हाई इन्ड भेरिएन्टमा वायरलेस कनेक्टिभिटी प्रदान गरिएको छ ।

एलिभेट एडीएएस टेक्नोलोजीले सुसज्जित छ । एलिभेटमा कोलिजन मिटिगेसन ब्रेकिङ सिस्टम, रोड डिपार्चर मिटिगेसन सिस्टम, लेन किपिङ असिस्ट सिस्टम, एडेप्टिभ क्रुज कन्ट्रोल, अटो हाई बिम, एलईडी कार डिपार्चर नोटिफिकेशन सिस्टम र अन्य धेरै फिचर समावेश छ, जुन हुन्डाई क्रेटामा उपलब्ध छैन ।

होन्डाको मिड साइज एसयूभी एलिभेटमा २२० एमएमको ग्राउन्ड क्लियरेन्स रहेको छ ।

हुन्डाई क्रेटा
हुन्डाई क्रेटा फिचरले भरिपूर्ण छ र क्रेटाको पहिलो स्ट्यान्डआउट फिचर सनरुफ समावेश छ । क्रेटामा भ्वाइस कमाण्डसहितको पानोरामिक सनरुफ रहेको छ ।

क्रेटाको अनौठो फिचर भनेको फ्रन्ट भेन्टिलेटेड सिट हो, जुन यस सेगमेन्टको अन्य एसयूभीमा छैन । अर्को ठूलो फिचर इलेक्ट्रोनिक पार्क ब्रेक हो, जुन साधारण ब्रेक भन्दा फरक, सुरक्षित र प्रयोग गर्न सजिलो छ ।

एलिभेटमा एकमात्र १.५ लिटर पेट्रोल इन्जिन उपलब्ध छ । हुन्डाई क्रेटामा १.५ लिटर पेट्रोल र १.५ लिटर डिजेल इन्जिन उपलब्ध छ । हुन्डाई क्रेटाको ग्राउन्ड क्लियरेन्स १९० एमएम छ ।