होन्डाले ल्यायो स्पोर्टी डिजाइन र थप माइलेज भएको नयाँ डियो स्कुटर

होन्डा मोटरसाइकल एण्ड स्कुटर इन्डियाले डियो स्कुटरको नयाँ भर्सन लन्च गरेको छ । डियो स्कुटरको सीमित मोडल मात्र लन्च गरिएको हो । यसको स्पोर्ट्स भेरिएन्टको मूल्य ६८ हजार ३ सय १७ र डिलक्स भेरिएन्टको एक्स–शोरुम मूल्य ७३ हजार ३ सय १७ भारु छ । होन्डा डियो २ रङमा उपलब्ध छ ।

सो स्कुटरको स्पेशल एडिसन होन्डाको डिलरशिप र अनलाइनबाट पनि बुकिङ गर्न सकिन्छ । स्कुटरमा स्पोर्टिङ ग्राफिक्स र स्पोर्ट रेड रियर सस्पेन्सन दिइएको छ । यद्यपि, सिल्हुट र स्कुटरको अन्य मेकानिकल बिट्स स्ट्यान्डर्ड मोडेल जस्तै छ । डिलक्स भेरिएन्टमा स्पोर्टी अलोय ह्विल पनि उपलब्ध छ ।

होन्डा डियो स्कुटरमा पावरका लागि ११० सीसीको पीजीएम–एफआई इन्जिन प्रयोग गरिएको छ । यो एन्हान्स्ड स्मार्ट पावर (ईएचपी) का साथ उपलब्ध छ ।

स्कुटरमा टेलिस्कोपिक सस्पेन्सन, इन्टिग्रेटेड ड्युअल फंक्शन स्विच, एक्सटर्नल फ्युल लिड, पासिङ स्विच र इन्जिन कट–अफको साथ साइड स्ट्यान्ड इन्डिकेटर रहेको छ । डियोमा राम्रो माइलेजको लागि होन्डाको कम्बी–ब्रेक सिस्टम इक्वेलाइजर र थ्री स्टेप एड्जस्टेबल रियर सस्पेन्सनका साथै थ्री स्टेप इको इन्डिकेटर पनि समावेश गरिएको छ ।

होन्डा मोटरसाइकल एण्ड स्कुटर इण्डियाका प्रबन्ध निर्देशक, अध्यक्ष र सीईओ अत्सुशी ओगाटाले डियो स्कुटरको स्थापनादेखि राम्रो प्रतिक्रिया पाइरहेको र नयाँ डियोको नयाँ कलरले युवावर्गलाई आकर्षित गर्ने बताए । यसको सिमित भर्सनले यसको स्पोर्टी भाइब र ट्रेन्डी लुकले ग्राहकलाई अझ आकर्षण गर्ने अनुमान गरिएको छ ।