होण्डा ग्राजिया किन्दा लामिछानेलाई १० लाख उपहार

काठमाडौं– होण्डा मोटरसाइकल तथा स्कुटरले दशैँ तिहारको अवसरमा ल्याएको उपहार योजना ‘दशैँमा दस लाख’ अन्तर्गत ठिमीका गोकुल लामिछानेले दस लाख रुपैयाँ जितेका छन् ।

भक्तपुरको घठ्ठाघर स्थित मेट्रो अटो सेन्टरबाट ग्राजिया स्ट्यान्डर्ड बीएस६ खरिद गरेका लामिछानेले स्क्र्याच कुपन मार्फत १० लाख जितेका हुन् ।

यो स्किम अन्तर्गत ग्राहकले १० हजार सम्मको थप स्क्र्याच कुपन र रु. १२ हजार ५०० बराबरको ५ बर्षको एएमसी प्याकेज पनि जित्न सक्ने बिकल्प पाउने कम्पनीले जनाएको छ । ‘दशैँमा दस लाख’ उपहार योजना अन्र्तगत अन्य थुप्रै ग्राहकहरुले पनि २५ हजार देखि ५ लाख सम्मको पुरस्कार जितिसकेका छन् ।

यो बर्ष होण्डाले १ रुपैयाँमै फाइनान्स योजना र ’बिग बाइक’ किन्दा १ लाख सम्मको छुट जस्ता आकर्षक योजनाहरु पनि सार्वजनिक गरेको छ ।