मूल्यको २० प्रतिशत मात्र तिरेर होन्डा कार लिन सकिने

काठमाडौं – होन्डा कारको नेपालका लागि आधिकारिक वितरक स्याकार ट्रेडिङ कम्पनी अन्तर्गत होन्डा कारले नयाँ वर्ष २०८१ को उपलक्ष्यमा होन्डाको गाडी खरिद गर्ने ग्राहकहरुलाई नगद छुट तथा अन्य सुबिधा सहित स्किम निकालेको छ ।

जस अन्तर्गत २० प्रतिशत डाउनपेमेन्ट, १०.४९ प्रतिशत ब्याजदर, एक आर्थिक बर्षको टयाक्स फ्रि, एक आर्थिक बर्षको फुल इन्स्योरेन्स र आकर्षक नगद छुट उपलब्ध हुनेछ ।

ग्राहक वर्गको सुबिधालाई ध्यानमा राखी रोड साइड असिस्ट पनि फ्रि दिने कम्पनीले घोषणा गरेको छ ।

यो अफर मिति २०८० चैत १५ बाट लागु हुनेछ भने उक्त्त अफर २०८१ साल बैशाख ३१ गते सम्मका लागि हुने स्याकार ट्रेडिङले जनाएको छ ।

नेपाली बजारमा होन्डा एलिभेट, अमेज, सिटी र सिटी ई–एचईभी मोडल बिक्रीका लागि उपलब्ध छन् ।