होन्डाले ल्यायो २०२३ मोडलको नयाँ हाइनेस सीबी३५० र सीबी३५० आरएस बाइक

होन्डाले नयाँ हाइनेस सीबी३५० र सीबी३५० आरएस लन्च गरेको छ । साथै कम्पनीले यी दुवै बाइकका लागि कस्टमाइजेशन प्याकेज पनि लन्च गरेको छ । यसको सुरुवाती मूल्य भारतमा २ लाख १० हजार भारु छ । नेपाली बजारमा आउन भने केही समय लाग्न सक्छ ।

होन्डाले यो दुबै बाइकमा नयाँ ओबीडी–२ कम्प्लायन्ट इन्जिन र पीजीएम एफआई प्रविधिसँग जोडिएको छ । बाइकमा ३५० सीसी सिंगल सिलिन्डर, एयर कुल्ड इन्जिन दिएको छ जसले ३० एनएम टर्क जेनेरेट गर्छ । इन्जिनको कम्पन कम गर्न कोएक्सियल ब्यालेन्सर जडान गरेको छ ।

यी दुबै बाइकमा असिस्ट र स्लिपर क्लच सहितको ६ स्पिड गियरबक्स जडान गरिएको छ । बाइकमा एड्भान्स फुल डिजिटल इन्स्ट्रयुमेन्ट कन्सोल जस्ता फिचर र एबीएस, आरपीएम, गियर पोजिसन, साइड स्ट्यान्ड इन्डिकेटर, ब्याट्रीको अवस्थाको जानकारी दिने डिस्प्ले दिइएको छ ।

बाइकमा फुल एलईडी हेडलाइट सेटअप दिइएको छ । ब्रेकिङको लागि दुवै बाइकको फ्रन्टमा ३१० एमएम र रियरमा २४० एमएम डिस्क ब्रेक दिइएको छ । बाइकमा ह्याजार्ड लाइट पनि दिइएको छ जसको मद्दतले कुहिरोमा बाइकको भिजिबिलिटी बढाउन सकिन्छ ।

सो बाइकमा १५ लिटरको फ्युल ट्यांक जडान गरिएको छ । सस्पेन्सनलाई सुधार गर्न कम्पनीले नाइट्रोजन चार्ज गरिएको रियर सस्पेन्सन प्रयोग गरेको छ भने पहिले जस्तै टेलिस्कोपिक फोर्क सस्पेन्सन दिइएको छ ।