हिरोको नजिक पुग्यो होन्डा वाइकको बिक्री, यी हुन् जुलाईमा भारतमा बिक्री भएका ६ ठूला ब्रान्ड

भारतको दोस्रो ठूलो टु ह्विलर उत्पादक होन्डाले जुलाई महिनामा मोटरसाइकल र स्कुटरको बिक्री वढाएको छ । गत महिनाको तुलनामा होन्डाको बिक्री २.६८ प्रतिशतले बृद्धि हुँदा हिरोको भने १२.१९ प्रतिशतले कम भएको छ । हिरोको बिक्री घट्दा होन्डाले सो व्रान्डसंगको दुरी कम गरेको छ ।

जुलाईमा हिरोले कुल ३ लाख ७१ हजार २०४ बाइक बिक्री गर्दा होन्डाले ३ लाख १० हजार ८६७ युनिट बिक्री गरेको थियो । हिरोले हाँसिल गरेको सो बिक्री परिणाम अघिल्लो वर्षको सोही महिनाको तुलनामा १३.८१ प्रतिशतले कम हो ।

यसैगरी तेस्रो ठूलो टु ह्विलर उत्पादक टीभीएसले सो महिना २ लाख ३५ हजार २३० युनिट वाइक बिक्री गरेको छ । टीभीएसले हाँसिल गरेको सो बिक्री परिणाम जुन महिनाको तुलनमा ०.०२ प्रतिशतले कम हो । बजाजले १ लाख ४१ हजार ९९० युनिट मोटरसाइकल बिक्री गर्दा सुजुकीले ८० हजार ३०३ युनिट मोटरसाइकल र स्कुटर बिक्री गर्न सफल भएको छ ।

यसैगरी, रोयल इन्फिल्डले ६६ हजार ६२ युनिट मोटरसाइकल बिक्री गर्दै सूचीको छैठौ स्थानमा पर्न सफल भएको छ । सो महिना बिक्री भएको मोटरसाइकल र स्कुटरको संख्याका आधारमा यामाहा निकै पछी परेको देखिएको छ ।