कति दिन्छ हिरो सुपर स्प्लेन्डरले माइलेज, माइलेज च्यालेन्ज क्याम्पमा देखियो आश्चर्यजनक नतिजा

काठमाडौं – नेपालमा हिरो मोटरसाइकल र स्कुटरको आधिकारिक वितरक सीजी मोटर्सले हिरो सुपर स्प्लेन्डरको आषाढ महिनामा माइलेज च्यालेन्ज क्याम्प सफलतापूर्वक सम्पन्न गरेको घोषणा गरेको छ । विशेष गरी माइलेजका कारण नै नेपाली बजारमा सो मोटरसाइकलले वर्षौ देखि प्रभुत्व जमाइरहेको र विरासत कायम गरेको कम्पनीको भनाइ छ ।

विरासतलाई निरन्तरता दिन र आफ्ना ग्राहकहरूमाझ उत्साह ल्याउन विभिन्न डिलरशिपहरूमा माइलेज च्यालेन्ज क्याम्प सञ्चालन गरिएको थियो । सो अवसरमा सुपर स्प्लेन्डर १२५ ले ग्राहकहरूको अपेक्षालाई पार गरेर लगभग ९० किलोमिटर भन्दा बढी माइलेज विजेताहरुले हासिल गरेको कम्पनीको दावी छ ।

हिरो मोटोकर्पका अध्यक्ष डा. बृजमोहन लाल मुञ्जालको १००औँ जन्म जयन्ती समारोहलाई सम्मान गर्दै सो माइलेज च्यालेन्ज सञ्चालन गरिएको समेत कम्पनीको भनाइ छ ।

यस अनुसार सीजी हिरो नेपालगन्जबाट जगदीश चौधरीे ९७.५४ किलोमिटर, सीजी हिरो कावासोतीबाट टिकाराम कँडेलले ९०.२७ किलोमिटर, सीजी हिरो विराटनगरबाट उपेन्द्र मुखियाले ८८.७८ किलोमिटर र सीजी हिरो बुटवलबाट कमल पन्थीे ९०.३२ किलोमिटर प्रतिलिटर माइलेज प्राप्त गरी विजयी बनेका थिए ।

असार २०८१ मा आयोजित सो माइलेज च्यालेन्जमा सुपर स्प्लेन्डरका लोयल ग्राहकहरूले वास्तविक संसारमा आफ्ना सवारी साधनहरूको इन्धन दक्षता परीक्षण गर्न सहभागी भएका थिए । सहभागीहरूले उनीहरूको सुपर स्प्लेन्डर १२५ ले हासिल गरेको प्रभावशाली माइलेजको तथ्याङ्कलाई प्रमाणित गर्नको लागि सुरु र अन्त्य बिन्दुहरू, इन्धन खपत र यात्रा गरेको दूरीलगायत आफ्नो यात्राहरू ट्र्याक गर्न आवश्यक थियो ।

यसरी हिरो मोटोकर्प नेपालले आफ्ना ग्राहकहरूलाई सन्तुष्ट पार्दै ग्राहकहरुको हृदयमा शीर्ष स्थान स्थापित गर्न सफल भएको कम्पनीको भनाइ छ ।