फ्लेक्स फ्युलबाट चल्ने हिरोका दुई नयाँ मोटरसाइकल लन्च, मूल्य कति ?

हिरो मोटोकर्पले १०० सीसी सेग्मेन्टमा आफ्नो पहिलो फ्लेक्स–फ्युल मोटरसाइकल अनावरण गरेको छ ।

कम्पनीले विश्व वातावरण दिवसको अवसर पारेर फ्लेक्स फ्युल–रेडी स्प्लेन्डर+ र एचएफ डिलक्स लन्च गरेको होे । ई२० देखि ई८५ सम्मका इथेनोल मिश्रित इन्धनबाट सञ्चालन हुने यी मोटरसाइकलको मूल्य ८७ हजार ७१० र ७२ हजार ७९२ भारु निर्धारण गरिएको छ ।

नयाँ बाइकले कार्बन उत्सर्जनलाई उल्लेखनीय रूपमा कम गर्ने दाबी गरिएको छ । २०३० सम्ममा आर्थिक कार्बन तीव्रतालाई ४५ प्रतिशतले घटाउने भारतको राष्ट्रिय उद्देश्यलाई समर्थन गर्ने कदमस्वरुप कम्पनीले नयाँ मोटरसाइकल लन्च गरेको हो ।

नयाँ स्प्लेन्डर+ फ्लेक्स फ्युलमा ९७.२ सीसी सिंगल सिलिन्डर इन्जिन जडान गरिएको छ, जसले ८.४४ बीएचपी र ८.३ एनएम टर्क जेनेरेट गर्दछ ।

नयाँ बाइकमा हिरोको आई३एस आइडल–स्टप–स्टार्ट सिस्टम र संशोधित ईसीयू उपलब्ध गराइएको छ भने नयाँ सेमी डिजिटल इन्स्ट्रुमेन्ट कन्सोल, साइड स्ट्यान्ड इन्जिन कट–अफ, र ट्युबलेस टायर जस्ता फिचर पाउन सकिन्छ ।