एथरमा हिरो मोटोकर्पको शेयर हिस्सा बढ्यो

एथर ईनर्जीमा सबैभन्दा ठूलो लगानीकता हिरो मोटोकर्पले आफ्नो सेयर हिस्सा बढाएको छ । कम्पनीले १४० करोड भारुको शेयर खरिद गरी एथर इनर्जीको सेयर बढाएको हो । थप सेयर खरिदसँगै कम्पनीले आफ्नो शेयर ३६.७ प्रतिशतबाट बढाएर ३९.७ प्रतिशत पुर्याएको छ ।

यस बर्षको सुरुवातमै एथर इनर्जीले हीरो मोटोकर्प र जीआईसीबाट नयाँ कोषमा ९०० करोड भारु रुपैयाँ उठाएको थियो । हिरोले जनवरी २०२२ मा १२८ मिलियन डलर उठाउनको लागि लगानीको राउन्डमा पनि भाग लिएको थियो।

यी दुई कम्पनीले हालसालै भारतमा टु–ह्विलरका लागि फास्ट चार्जिङ नेटवर्क विकास गर्ने सम्झौतामा हस्ताक्षर समेत गरेका छन् । दुई कम्पनी मिलेर १०० भन्दा बढी शहरमा १ हजार ९०० भन्दा बढी फास्ट चार्जिङ पोइन्टहरू स्थापना गर्ने योजना बनाएका छन् ।