भारतमा हिरो र हार्लेद्वारा संयुक्त रुपमा विकसित यस्तो बाइक आउने

भारतमा हिरो मोटोकर्प र हार्ले डेभिडसनले संयुक्त रुपमा विकास गरेको बाइक आगामी दुई वर्षभित्र लन्च गरिने भएको छ । यसको जानकारी हिरो मोटोकर्पका सीएफओ निरञ्जन गुप्ताले दिएका हुन् ।

हिरोले आफ्नो बिक्री र नाफा बढाउन १६० सीसी वा सोभन्दा माथिका मोडल ल्याउने तयारी गरेको हो । हिरोको १०० र ११० सीसी सेगमेन्टको बाइक सबैभन्दा बढी बिक्री हुने बाइकमा पर्छ ।

हिरो मोटोकर्पले प्रिमियम उत्पादनको बलियो पाइपलाइन निर्माण गरिरहेको छ । यो सेगमेन्टमा हरेक वर्ष नयाँ मोडल ल्याउने कम्पनीले जानकारी दिएको छ । यसले प्रिमियम सेग्मेन्टमा हिरोको बजार हिस्सा बढाउनुका साथै मध्यम अवधिमा नाफा पनि बढाउनेछ ।

हिरो मोटोकर्प र हार्ले–डेभिडसनले अक्टोबर २०२० मा भारतीय बजारका लागि साझेदारीको घोषणा गरेका थिए । यो साझेदारी अन्तर्गत हिरो मोटोकर्पले हार्ले–डेभिडसन ब्रान्ड नेमका प्रिमियम बाइक बिक्री गर्नेछ । कम्पनीले हार्ले बाइकको सर्भिस र स्पेयर पार्टस्को आवश्यकताको पनि ख्याल गर्नेछ ।