हिरो र होन्डाले बजारबाट हटाए यी बाइक

सन् २०२४ मा भारतीय बजारमा नयाँ बाइक लन्च हुनुका साथै केही बाइक बजारबाट हटाइएका पनि छन् । यो वर्ष भारतीय बजारबाट चार वटा बाइक हटाइएको छ ।

रिपोर्टका अनुसार भारतीय बजारबाट होन्डा मोटरसाइकलको एउटा बाइक र हिरो मोटोकर्पको तीन वटा बाइक हटाइएको छ । यी दुई कम्पनीले आफ्नो बाइक बजारबाट बिक्रीका लागि हटाए तापनि त्यसको ठाउँमा नयाँ बाइक बजारमा ल्याइएको छ र ती बाइक अर्को वर्ष आधिकारिक रूपमा लन्च गर्न सकिनेछ ।

होन्डा मोटरसाइकलले भारतीय बजारमा धेरै उत्कृष्ट बाइक बिक्री गरेको भए पनि कम्पनीले सन् २०२४ मा आफ्नो एउटा बाइकको बिक्री बन्द गरेको छ । कम्पनीले यो वर्ष होन्डा एक्स–ब्लेड नामक बाइक बजारबाट हटाएको छ । सो बाइक सन् २०१८ मा भारतमा ल्याइएको थियो । यसमा १६२ सीसीको सिंगल सिलिन्डर इन्जिन रहेको थियो र यसको मूल्य करिब ८१ हजार भारु थियो ।

हिरो मोटोकर्पले कम बजेटको हिरो प्यासन एक्सटेक बाइक बन्द गरेको छ । बिक्रीमा लगातार गिरावट आएपछि सो बाइक बजारबाट हटाइएको हो । यसमा ११३.२ सीसी क्षमताको सिंगल सिलिन्डर इन्जिन प्रदान गरिएको थियो र यसको एक्स शोरुम मूल्य करिब ८२ हजार भारु थियो ।

हिरो मोटोकर्पको दोस्रो बाइकको रुपमा एक्सपल्स २००टी बाइक पनि बजारबाट हटाइएको छ । यसमा डिजिटल इन्स्ट्रयुमेन्ट क्लस्टर र ब्लुटुथ कनेक्टिभिटी सहित धेरै उत्कृष्ट फिचर प्रदान गरिएको थियो। यसमा १९९.५ सीसी क्षमताको सिंगल सिलिन्डर इन्जिन प्रदान गरिएको थियो र यसको एक्स शोरुम मूल्य १ लाख ३७ हजार भारु थियो ।

हिरो एक्स्ट्रिम २००एस ४भी तेस्रो बाइक हो जसलाई हिरोले बजारबाट हटाएको छ । लगातार कम बिक्री भएका कारण सो बाइक पनि सन् २०२४ मा बजारबाट हटाइएको छ । यसमा २०० सीसी इन्जिन थियो र यसको एक्स-शोरूम मूल्य १ लाख ४३ हजार भारु थियो