भारी मात्रामा मूल्य कटौतीका साथ हार्लेको इलेक्ट्रिक बाइक लाइभवायर वान सार्वजनिक

क्रुजर बाइक निर्माण गर्न चर्चित अमेरिकन अटोमोबाइल कम्पनी हार्ले डेभिडसनले लाइभवायर वान इलेक्ट्रिक बाइक लन्च गरेको छ । कम्पनीले यो भन्दा पहिले अल इलेक्ट्रिक बाइक लाइभवायर लन्च गरेको थियो । कम्पनीले सबै इलेक्ट्रिक बाइक अब लाइभवायर ब्रान्डमा लन्च गर्नेछ ।

अर्को महत्वपूर्ण परिवर्तन यसको मूल्यमा गरिएको छ । लाइभवायर वानको मूल्य २९ हजार ७९९ डलर राखिएको छ । जबकि यो भन्दा पहिले लाइभवायरको मूल्य २९ हजार ७९९ डलर राखिएको थियो । भारी मात्रमा गरिएको मूल्य कटौतीबाट हार्लेले इलेक्ट्रिक बाइक सेगमेन्टमा लिड गर्ने संकेत दिएको छ ।

व्याट्री र रेन्ज
हार्ले डेभिडसनका अनुसार नयाँ लाइभवायर वानले सिटी ट्राफिकमा २३५ किलोमिटरको रेन्ज दिने दावी गरिएको छ । सो बाइकमा पहिलाको लाइभवायर कै टेक्नोलोजी प्रयोग गरिएको छ । अनुमानित रिपोर्ट अनुसार सो बाइक फुल चार्जमा ११२ किलोमिटर प्रति घन्टामा ८० किलोमिटर प्रति घन्टाको रेन्ज दिनेछ । यसमा १५.५ केडब्ल्युएचको व्याट्री समावेश गरिएको छ ।

कम्पनीले बाइकमा डिसी फास्ट चार्जिङको सुविधा पनि प्रदान गरेको छ । डिसी फास्ट चार्जरबाट सो व्याट्री ६० मिनेटमा ० देखि १०० प्रतिशत र ४५ मिनेटमा ० देखि ८० प्रतिशतसम्म चार्ज गर्न सकिन्छ ।

मोटर र टप स्पिड
नयाँ लाइभवायर वान बाइकको स्टाइल र स्पेसिफिकेस पुरानो मोडलको जस्तो हुनेछ । नयाँ बाइकमा नयाँ कलरको विकल्प दिइएको छ । सो बाइकमा ७८ केडब्ल्युको मोटर जडान गरिएको छ । जसले १०५ एचपीको पावर जेनेरेट गर्छ । सो बाइकको टप स्पिड १७७ किलोमिटर प्रति घन्टा रहेको छ । सो बाइक ३ सेकेन्डमा ० देखि ९६ किलोमिटर प्रति घन्टाको स्पिड लिने क्षमता रहेको छ ।