होन्डा मोटरसाइकल र स्कुटर किन्दा ४ ग्राहकले जिते जनही १ लाख नगद

काठमाडौं – नेपालका लागि होन्डाको आधिकारिक वितरक स्याकार ट्रेडिङ कम्पनीले उपलब्ध गराइरहेको चाडपर्व योजना ‘हाम्रो चाडबाड, होन्डाको खुशियाली बारबार’ अन्तर्गत चार भाग्यशाली ग्राहकहरू प्रत्येकले १ लाख नगद पुरस्कार जितेको बताएको छ । दशैं, तिहार र छठपर्वको रौनक मनाउन सुरू गरिएको सो योजनालाई नेपालभरका ग्राहकहरूले अत्यन्त मन पराएको होन्डा नेपालले जनाएको छ ।

सो योजनाअन्तर्गत, यो चाडपर्वको समयमा होन्डाको बाइक र स्कुटर खरिद गर्ने ग्राहकहरूले प्रत्येक खरिदमा १० लाखसम्मको नगद पुरस्कार जित्ने मौका पाउने छन् । हाल विजेता बनेका चार भाग्यशाली ग्राहकहरूले जनही १ लाख नगद जितेका छन् । विजेताहरूलाई स्क्र्याच कार्डमार्फत छनोट गरिएको हो।

यसरी बनेका चार भाग्यशाली विजेताहरु निश्चल घर्ती, प्रतिमा भण्डारी, सन्तोष सुवेदी र शान्ति साउद भएको कम्पनीको भनाइ छ ।

निश्चल घर्तीले ललितपुरको एकान्तकुनामा अवस्थित डिलर तिरुमाला मोटर्सबाट, प्रतिमा भण्डारीले चितवनको भरतपुरस्थित डिलर युनाइटेड मोटर्स प्रालिबाट, सन्तोष सुवेदीले स्याङजाको वालिङस्थित डिलर आस्था ट्रेडर्सबाट र शान्ति साउदले कञ्चनपुरको महेन्द्रनगरस्थित डिलर के.डी. अटोमोबाइल्सबाट होन्डा बाइक किनेका थिए ।

यसरी ग्राहकहरुले ठूलो पुरस्कार जितेको देखेर र उनीहरुसँग दशैंको खुशियालीमा सहभागी हुन पाउँदा निकै उत्साहित बनेको होन्डा नेपालले बताएको छ ।

हाम्रो चाडबाड, होन्डाको खुशियाली बारबार योजना अझै चलिरहेको र यसले ग्राहकहरूलाई थप रोमाञ्चक नगद पुरस्कार जित्ने अवसर दिने समेत बताइएको छ । यो योजना होन्डा इजी फाइनान्समा पनि उपलब्ध छ।