आज देखि पृथ्वीराजमार्ग दैनिक साढे चार घण्टा बन्द
तनहुँ – पृथ्वीराजमार्गअन्तर्गत तनहुँको व्यास नगरपालिका–१२ छिर्कनेदेखि...
काठमाडौं । ग्वार्को चोकमा निर्माणाधीन फ्लाइ ओभरको काम करिब ५० प्रतिशत सकिएको छ । आगामी जेठभित्र सक्ने लक्ष्यसहित काम भइरहेको उक्त फ्लाइ ओभर निर्माणको कार्यले भने पछिल्लोसमय तीव्रता पाउन थालेको हो ।
सडक विभागअन्तर्गतको गुणस्तर अनुसन्धान तथा विकास केन्द्रले जिम्मा लिएर अगाडि बढाइरहेको उक्त आयोजना आरसी–समानान्तर–रेलिगेर जेभीसँग ठेक्का सम्झौता भएर काम भइरहेको छ ।
गुणस्तर अनुसन्धान विकास केन्द्रका सिनियर डिभिजनल इन्जिनियर (सीडीई) राकेश महर्जनले फ्लाइ ओभरको धमाधम संरचना तयार गर्ने काम भइरहेको बताए । ‘फ्लाइ ओभर निर्माणको काम जति सक्दो छिटो सक्ने योजनाका साथ काम गरिरहेका छौं, अहिलेसम्म ५० प्रतिशत काम सकिएको छ भने जेठभित्र निर्माणको काम सकेर सञ्चालनमा ल्याउने योजना हाम्रो हो,’ उनले भने ।
ठेकेदार कम्पनीसँग फ्लाइ ओभर निर्माणका लागि १७ करोड ६८ लाख रुपैयाँमा ठेक्का सम्झौता भएको छ । महर्जनका अनुसार हालसम्म फ्लाइ ओभर निर्माण गर्दा करिब १ करोड ३७ लाख रुपैयाँ खर्च भइसकेको छ ।
ठेकेदार कम्पनीसँग दुई वर्षभित्र सक्ने लक्ष्यसहित २०७८ फागुनमा ठेक्का सम्झौता भएको थियो । तर, फ्लाइ ओभरको डिजाइन परिवर्तन गर्नुपर्ने भएकाले डिजाइन परिवर्तन गरेर काम सुरु गर्दा समयमा ओभरको काम नसकिएको पनि महर्जनले जानकारी दिए ।
उनले अबको केही महिनापछि ढलानको कार्य पनि सुरु हुने बताए ।
एमएसी वालको प्रयोग गरी ६ मिटरको पिल्लर निर्माण गरेर उचाइको फ्लाइ ओभर तयार गर्ने योजना छ । फ्लाइ ओभरको लम्बाइ कुल चार सय ९० मिटर हुनेछ भने केन्द्रले इपीसी मोडेलमा ठेक्का लगाएको हो ।
फ्लाइओभर बालकुमारीतर्फबाट दुई सय ८० मिटर लामो -याम र सातोबाटोतर्फबाट एक सय ७५ मिटर लम्बाइको -याम निर्माण गरिँदै छ भने यसको उचाइ ६ मिटरको हुनेछ । रिङरोडको जाम हटाउने उद्देश्यसहित बनाइएको फलाई ओभर आठ लेनमध्ये चार लेनलाई उठाएर रिङरोडमा फ्लाइ ओभर निर्माण गरिने छ ।
फ्लाइ ओभरको काम गत मंसिरदेखि सुरू भएको हो । फ्लाइ ओभर बनाउन थालेपछि उक्त क्षेत्रमा सवारी जाम बढ्दै गएको देखिन्छ । तर, ट्राफिक समस्या समाधान गर्दै यातायातलाई सहज आवतजावतको पहुँच मिलाई सहज ओभरको काम तीव्र गतिमा भइरहेको महर्जनले जानकारी दिए ।
तनहुँ – पृथ्वीराजमार्गअन्तर्गत तनहुँको व्यास नगरपालिका–१२ छिर्कनेदेखि...
काठमाडौँ – चक्रपथ बिस्तारअन्तर्गत दोस्रो चरणमा निर्माण हुने भनिएको...
डुम्रे । पृथ्वीराजमार्गलाई चार लेनमा विस्तार गर्न काम भइरहेको छ ।...
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...