नेपालगन्ज र दाङमा खुल्यो गल्फ लुब्रिकेन्टको विश्व स्तरीय शोरुम

गल्फ लुब्रिकेन्टको उत्पादक तथा वितरक नेपाल ल्युब आयल लिमिटेडले नेपालगन्जमा आफ्नो आधिकारक बिक्रेता रवि ट्रेडर्स र दाङमा आफ्नो आधिकारक बिक्रेता मध्य पश्चिम सप्लायर्सको नयाँ शोरुम उद्घाटन गरेको छ । ग्राहकलाई उच्च स्तरीय सेवा प्रदान गर्न नयाँ शोरुमहरु संचालनमा ल्याएको कम्पनीले बताएको छ ।

नेपालमा ३८ वर्षको गौरवमय यात्रा बोकेको, विश्व प्रख्यात र सबैभन्दा बढी विक्री हुने दाबी गरिएको ब्रान्ड हो गल्फ लुब्रिकेन्ट । शोरुमहरुको उदघाटन नेपाल ल्युब आयल लिमिटेडका अध्यक्ष अरुण चौधरीले गरे । समारोहमा बोल्दै चौधरीले भने, ‘गल्फ ब्रान्ड अन्तर्राष्ट्रिय ब्रान्ड हो जुन उच्च गुणस्तरका लागि प्रख्यात छ । नेपाली बजारमा गल्फ सर्वाधिक बिक्री हुने लुब्रिकेन्ट ब्रान्ड हो ।’

नेपाल ल्युब आयल लिमिटेडका महाप्रबन्धक गंगा राज भट्टराईका अनुसार नयाँ उच्चस्तरीय शोरुमहरुबाट कम्पनीले सबै गल्फ ब्रान्डको उत्पादनहरु ग्राहक माझ उपलब्ध गराउने छ र ग्राहकले पनि उच्चस्तरिय लुब्रिकेन्ट प्रयोग गर्न पाउने छन् ।

फ्युल रिटेल र लुब्रिकेन्टको क्षत्रमा गल्फ विश्वमै परिचित ब्रान्ड हो । यसले अटोमोटिभदेखि इन्डष्ट्रियल सेक्टर सम्मका उत्पादन उपलब्ध गराउँछ ।