गल्फ लुव्रिकेन्टको स्वराज ट्रयाक्टर सर्भिस क्याम्प सम्पन्न

नेपालमा गल्फ लुव्रिकेन्टको उत्पादक नेपाल ल्यूव आयल लिमिटेडले स्वराज ट्रयाक्टर सर्भिस क्याम्प सम्पन्न गरेको छ । कम्पनीले पुस ९ देखि १३ गतेसम्म भारदह, राजविराज, बरियारपट्टी, सिराहा र कल्याणपुरमा क्याम्प आयोजना गरेको थियो ।

क्याम्पमा स्वराज ट्रयाक्टरको निःशुल्क सर्भिसिङ र इन्जिन आयल चेन्ज गरिनुको साथै ट्रयाक्टर धनी तथा ड्राइभरको निःशुल्क स्वास्थ्य जाँच समेत गरेको थियो । उनीहरुलाई उपहार स्वरूप गल्फको टी–शर्ट, कि– रिङ्ग र डटपेन लगायत सामाग्री प्रदान गरिएको कम्पनीले जनाएको छ ।

क्याम्प नेपाल ल्युब आयल र सो क्षेत्रका लागि विक्रेता राजेश ट्रेडर्स एण्ड सप्लायर्सको संयुक्त आयोजनामा भएको हो । क्याम्पमा १७० भन्दा धेरै ट्रयाक्टर धनीले सहभागिता जनाएको कम्पनीले बताएको छ ।