गल्फ लुब्रिकेन्टको डिलर मिट सम्पन्न, डिलरकै अथक प्रयासबाट सर्बाधिक बिक्री हुने ब्रान्ड बनेको भनाइ

नेपालमा ३८ वर्षको गौरबमय यात्रा बोकेको, विश्व प्रख्यात र सर्बाधिक बिक्री हुने दावी गरिएको ब्रान्ड गल्फ लुब्रिकेन्टेको उत्पादक एवं वितरक नेपाल ल्युब आयल लिमिटेडले हालैमात्र आफ्नो डिलर मिट सम्पन्न गरेको छ ।

‘च्यालेन्ज इगनाइट्स सक्सेस’ नाराका साथ सम्पन्न दुइ दिने सो कार्यक्रममा नेपालभरी रहेका ५० भन्दा धेरै डिलर, गल्फ आयल इन्टरनेशनल, गल्फ आयल इन्डिया र नेपाल ल्युब आयल लिमिटेडका प्रतिनिधिहरुको सहभागिता थियो ।

कार्यक्रमको उद्देश्य डिलरहरूलाई उत्प्रेरित गर्ने र अर्को वर्षको रोडम्यापसँग पंक्तिवद्ध गर्ने रहेको कम्पनीको भनाइ छ । कार्यक्रममा विभिन्न बिधामा सर्वोत्कृष्ट डिलरहरुलाई सम्मान पनि गरिएको थियो ।

कार्यक्रममा बोल्दै नेपाल ल्युब आयल लिमिटेडका कार्यकारी निर्देशक करण चौधरीले भने, ‘विगत केही वर्षदेखि बाह्य कारणले गर्दा व्यवसायहरूले एक वा अर्को समस्याको सामना गर्दै आएका छन् । यो चुनौतीपूर्ण समयमा पनि हाम्रा डिलरहरूको अथक प्रयास र इनोभेसनको कारण हामी नेपालकै सर्बाधिक बिक्रि हुने ब्रान्ड भैराखेका छौ । म हाम्रा सबै डिलरहरु र टिमको प्रयासका लागि आभारी छु जसले यो सम्भव बनाएको छ ।’

फ्युल रिटेल र लुब्रिकेन्टको क्षत्रमा गल्फ विश्वमै परिचित ब्रान्ड हो र यसले अटोमोटिभ देखि इन्डष्ट्रियल सेक्टर सम्मका उत्पादन उपलब्ध गराउछ ।