माइलेज, मूल्य, सेफ्टी र फिचरका आधारमा ग्राण्ड भिटारा र हुन्डाई क्रेटामा कुन एसयूभी उत्कृष्ट ?

मिड साइज एसयूभी तीव्र गतिमा बढिरहेको छ । हुन्डाई, किया, निसान, स्कोडा, फक्सवागन र टोयोटा जस्ता कम्पनीले यो सेगमेन्टमा उत्कृष्ट एसयूभी लन्च गरेका छन् । यद्यपि, सबैभन्दा लोकप्रिय मध्यम आकारको एसयूभी हुन्डाई क्रेटा हो ।

मारुती सुजुकीले पनि यो सेगमेन्टमा नयाँ ग्राण्ड भिटारा लन्च गर्ने घोषणा गरेको छ । फिचर, इन्जिन र सेफ्टीका हिसाबले कुन एसयूभी उत्कृष्ट छ, हेरौं ।

मारुती सुजुकीले नयाँ ग्राण्ड भिटाराको मूल्य खुलासा नगरे तापनि यसको सुरुवाती मूल्य ९ लाख ५ हजार भारु हुने अनुमान गरिएको छ । हुन्डाई क्रेटाको मूल्य १० लाख ४४ हजारदेखि १८ लाख १८ हजार भारुसम्मको छ । ग्राण्ड भिटाराको बेस्ट भेरिएन्ट क्रेटा भन्दा करिब १ लाख भारु सस्तो हुन सक्छ ।

मारुती सुजुकी ग्रान्ड भिटारा स्ट्रेट ग्रिल, स्क्वायर ह्विल आर्च, प्लास्टिक बडी क्ल्याडिङ र स्लिक हेडलाइटसहितको एसयूभीको रूपमा उपलब्ध छ । यद्यपि नयाँ ग्राण्ड भिटारा एउटै प्लेटफर्ममा आधारित छ ।

हुन्डाई क्रेटा स्लिक लाइन र स्पोर्टीनेसले भरिपूर्ण छ । यसको फ्रन्टमा हेडलाइट सहितको ठूलो फ्रन्ट ग्रिल छ । साइजको हिसाबले मारुती सुजुकी ग्राण्ड भिटारा अलि अग्लो, फराकिलो र लामो छ, तर क्रेटाको ह्विलबेस लामो छ ।

सो दुबै कारको चारैतिर एलईडी लाइटको सुविधा छ । तथापि, ग्राण्ड भिटारामा ३ मार्कर लाइट छ, जबकि क्रेटामा सिंगल एलईडी स्ट्रिप छ । दुबै एसयूभीको बाहिरी भागमा प्लाष्टिक क्ल्याडिङ छ र ग्राण्ड भिटारामा १७ इन्चको अलोय ह्विल छ भने क्रेटामा १६ इन्चको अलोय ह्विल समावेश गरिएको छ ।

दुवै एसयूभीको इन्टेरियरमा टचस्क्रिन इन्फोटेनमेन्ट सिस्टम, स्मार्टफोन कनेक्टिभिटी, भेन्टिलेटेड सिट, डिजिटल इन्स्ट्रयुमेन्ट क्लस्टर, सनरुफ, पुश–बटन स्टार्ट, वायरलेस चार्जिङ, रियर एसी भेन्ट्स, अटोमेटिक क्लाइमेट कन्ट्रोल र स्टेयरिङ ह्विल समावेश गरिएको छ ।

नयाँ मारुती सुजुकी ग्राण्ड भिटारामा २ पेट्रोल इन्जिन १.५ लिटर माइल्ड हाइब्रिड र १.५ लिटर हाइब्रिडका साथ पेश गरिएको छ । मारुती सुजुकीले २७.९७ किमी प्रति लिटरको माइलेज दावी गरेको छ । क्रेटामा १.५ लिटर पेट्रोल, १.५ लिटर डिजेल र १.४ लिटर टर्बो पेट्रोल इन्जिन गरी ३ वटा इन्जिन विकल्प उपलब्ध छ ।