ग्रान्ड आई१० नियोस अव कर्पोरेट एडिसनमा पनि, यस्तो छ विशेषता

कोरियन अटो निर्माता हुन्डाई मोटर्सले आज आफ्नो लोकप्रिय ह्याचव्याक कार ग्रान्ड आई१० नियोसको नयाँ एडिसन लन्च गरेको छ । कर्पोरेट एडिसन नाम दिइएको यो नयाँ भेरियन्टको लुक्स तथा डिजाइन र प्रविधिका क्षेत्रमा सामन्य परिमार्जन गरिएको छ ।

यसअघिको म्याग्ना ट्रिममा आधारित यो कारलाई म्यानुअल र अटोमेटिक दुबै ट्रान्समिसनमा उपलब्ध गराइएको छ । १.२ लिटर काप्मा पेट्रोल इन्जिन जडान गरिएको यो कारको मूल्य ६ लाख ९७ हजार ७ सय रुपैयाँ निर्धारण गरिएको छ । यो नयाँ कारमा कालो रङको चम्किलो रेडियटर ग्रिल, १५ इन्चको गनमेटल स्टाइलयुक्त ह्विल, रुफ रेल, रियर क्रोम गार्निस र कालो कलरले पेन्ट गरिएको ओआरभिएमएस थप गरिएको छ ।

स्पोर्टी र स्टाइलिस लुक्स दिइइको यो कारको समग्र मेकानिकल पक्षमा भने खासै परिवर्तन गरिएको छैन । ६.७५ इन्चको टचस्क्रिन इन्फोटेन्मेन्ट सिस्टम जडान गरिएको यो कारमा नेभीगेसन, इलेक्ट्रिक फोल्डिङ ओआरभिएम र एलइडी टर्न इन्डिकेटर लगायत फिचर्स दिइएको छ ।