बजेट अघिकै मूल्यमा एवोन वाई खरिद गर्न सकिने, न्यूनतम डाउनपेमेन्ट र अन्य सुविधा पनि

काठमाडौं–जिएसी मोटर्सको नेपालका लागि आधिकारिक सिजी मोटर्सले एवोन वाईको खरिदमा बेजोड अविश्वसनीय अफर घोषणा गरेको छ । ग्राहकलाई सुपथ मूल्य र सुविधा प्रदान गर्ने उद्देश्य राखेर ल्याइएको उक्त अफर अन्तर्गत एवोन वाई बजेट अघिकै मूल्यमा खरिद गर्न सकिनेछ । यो नयाँ एसयूभीको मूल्य हाल ५८ लाख ५० हजार निर्धारण गरिएको छ ।

हालै नेपालमा विक्रीवितरण सुरु भएको एवोन वाईलाई ग्राहकले ५ लाख ८५ हजार रुपैयाँ डाउनपेमेन्ट गरी खरिद गर्न सकिने कम्पनीले जनाएको छ । न्यूनतम डाउनपेमेन्टका कारण यो एसयूभी सबै ग्राहकका लागि पहुँचयोग्य बनेको कम्पनी भनाई छ ।

यसबाहेक, एक्सचेन्ज मार्फत खरिद गर्न चाहने ग्राहकले आफ्नो पुरानो सवारीसाधनमा २ लाखसम्म टप–अपबाट प्राप्त गर्दै निश्चित एक्सचेन्ज फाइदा लिन सक्नेछन् । साथै, यसमा २ लाख सम्मको नगद छुटको पनि सुविधा रहेको छ ।

अफर अन्तर्गत एवोन वाई खरिद गर्दा ग्राहकले १ वर्षको बीमा र पहिलो १ वर्षको सडक करको भुक्तानी जस्ता निःशुल्क सुविधाहरू पनि पाउनेछन् । घरायसी प्रायोजनका लागि ७ किलोवाट र अर्को २ किलोवाट क्षमताको ट्राभल चार्जर समेत कम्पनीले उपलब्ध गराउने जनाईएको छ ।