१ महिना बढ्यो सुजुकी गाडीमा फ्रि सर्भिस र वारेन्टी पिरियड

काठमाडौं – नेपाली बजारमा बिक्री भएका सुजुकीका विभिन्न मोडलका गाडीमा भएको फ्रि सर्भिस र वारेन्टी पिरियड एक महिना बढाइएको छ । कोभिड–१९ का कारण गरिएको निषेधाज्ञाको समयमा वारेन्टी पिरियड र फ्रि सर्भिसिङको समय सकिने ग्राहकलाई मध्यनजर गरी कम्पनीले यो व्यवस्था गरेको बताएको छ ।

नेपाली बजारमा सुजुकीका अल्टो, डिजायर, बलेनो, एसप्रेसो, वागनआर, इग्निस, स्विफ्ट, भिटारा ब्रेजा, सियाज, एसक्रस, अर्टिगा, एक्सएल६ कारका साथै इको र इको कार्गो भ्यान बिक्रीका लागि उपलब्ध छन् ।

सुजुकीको नेपालका लागि आधिकारिक वितरक सीजी होल्डिङ्स अन्तर्गतको सीजी मोटोकर्पले यी गाडी बिक्री–वितरण गरिरहेको छ । सुजुकीका नयाँ गाडी किने पछि गाडीको मोडल अनुसार बढीमा ४ वर्ष वा ६० हजार किलोमिटर गुड्दा सम्म कम्पनीले वारेन्टी उपलब्ध गराउने गरेको छ ।