फोर्थिङको ‘एक्सचेन्ज एन्ड अपग्रेड टु फ्राइडे’ अफर सार्बजनिक, ७ लाख सम्मको विशेष लाभ

काठमाडौं– फोर्थिङ ईभीको नेपालका लागि आधिकारिक बिक्रेता लक्ष्मी ई–मोबिलिटी प्रालिले आफ्नो प्रिमियम इलेक्ट्रिक एसयूभी, फोर्थिङ फ्राइडेका लागि विशेष ‘एक्सचेन्ज एन्ड अपग्रेड टु फ्राइडे’ अफर सार्वजनिक गरेको छ ।

सीमित अवधिका लागि ल्याइएको यो योजनाले ग्राहकलाई दिगो र प्रिमियम इलेक्ट्रिक सवारीमा अपग्रेड हुने उत्कृष्ट अवसर दिने कम्पनीको विश्वास छ ।

फोर्थिङ फ्राइडे ईभी खरिदमा ग्राहकले यो विशेष अफरअन्तर्गत ७ लाख रुपैयाँसम्मको बचत गर्न सक्नेछन् । यस अफरमा एक्सचेन्ज बोनस, पुरानो गाडीको उचित मूल्यांकन, नयाँ गाडी खरिदमा तुरुन्तै प्राप्त हुने आकर्षक नगद छुट, सुरक्षित यात्राका लागि अटो प्लस इन्स्योरेन्स सुविधा समावेश गरिएका छन् ।

त्यसैगरी, कम्पनीले सडक कर व्यवस्था, निःशुल्क स्पेयर टायर र एसी चार्जर, सरप्राइज गिफ्टलगायत सुविधा ग्राहकलाई दिनेछ । फोर्थिङ चिनियाँ सरकारी स्वामित्वको प्रमुख अटोमोबाइल समूह डोङफेङ मोटर ग्रुपअन्तर्गतको सहायक कम्पनी डोङफेङ लिउझोउ मोटरद्वारा सञ्चालित ब्रान्ड हो ।

लक्ष्मी ई–मोबिलिटीका अनुसास, यस ‘एक्सचेन्ज एण्ड अपग्रेड’ अफर नेपाली ग्राहकहरूलाई प्रिमियम इलेक्ट्रिक मोबिलिटीको अनुभव गराउने एउटा विशेष निमन्त्रणा हो ।