फरथिङ फ्राइडे : सेग्मेन्टमा सबैभन्दा किफायती, नाइमा एक्सपोमा २ लाख छुट

काठमाडौं – भृकुटीमण्डपस्थित प्रदर्शनी हलामा जारी नाइमा नेपाल मोबिलिटी एक्सपोमा नयाँ ईभी ब्रान्ड फरथिङको फ्राइडे एसयूभीलाई अवलोकन गर्ने दर्शकको भिड निकै बाक्लो देखिन्छ । एक्सपोको पहिलो दिने औपचारिक लन्च गरिएको यस एसयूभीको मूल्यले अहिले ईभी पारखीलाई आकर्षित गरिरहेको छ ।

लक्जरी र एक्सक्लुसिभ गरी दुई भेरिएन्टमा उपलब्ध यस ईभीको मूल्य क्रमशः ५० लाख ९६ हजार र ५६ लाख ९६ हजार रुपैयाँ तोकिएकोमा नाइमा एक्सपोका लागि २ लाख कम गरेर ४८ लाख ९६ हजार र ५४ लाख ९६ हजार रुपैयाँ निर्धारण गरिएको छ, जुन यहि सेग्मेन्टमा सबैभन्दा किफायती मूल्य हो । नगद छुट बाहेक ग्राहकले एक वर्षका लागि अटो प्लस इन्स्युरेन्स समेत निशुल्क पाउनेछन् ।

६४.४ किलोवाट आवरको ब्याट्री प्याक जाडन गरिएको फ्राइडे ईभीमा ९९ किलोवाट क्षमताको मोटर राखिएको छ । सिंगल चार्जमा यसले ४०० किलोमिटर रेन्ज दिने दाबि गरिएको छ । एसयुभीमा ११ किलोवाट क्षमताको अन–वोर्ड चार्जर पाउन सकिन्छ भने यसले १२० किलोवाट सम्मको डिसी चार्जर समेत सपोर्ट गर्दछ ।

फरथिङ फ्राइडेमा भेन्टीलेटेड, हिटेड, मसाज र मेमोरी सिट उपलब्ध गराइएको छ । ८.८ इन्चको एलसीडी इन्स्टुमेन्ट क्लस्टर, १४.६ इन्चको इन्फोटेन्टमेन्ट सिस्टम, अटोमेटिक क्लाइमेट कन्ट्रोल, इलेक्ट्रीक टेलगेट, वायरलेस फोन चार्जर, प्यानारोमिक सनरुफ, मल्टी ड्राइभ मोड र ६स्पीकर सहितको म्युजिक सिस्टम लगायत फिचर यसमा पाउन सकिन्छ ।

सुरक्षाका लागि यसमा एडास फिचर सहित ६ वटा एयरव्याग, एबीएस, इबीडी, सीबीडी, एचबीए, इबीए, बीए, एएसआर, टीसीएस, टीआरसी, इएसपी, अटोमेटिक पार्किङ, टायर प्रेसर मोनिटरिङ सिस्टम, ३६० डिग्री क्यामरा, फ्रन्ट÷रियर पार्किङ राडार, एडाप्टीभ क्रुज कन्ट्रोल अपहिल÷डाउनहिल असिस्ट लागयत विशेषता पाउन सकिन्छ ।