फोर्स मोटर्सको गाडी किन्दा रिलायन्स फाइनान्सबाट सहजै कर्जा पाइने

काठमाडौं– फोर्स मोटर्सको नेपालका लागि आधिकारिक वितरक आयाम इन्टरकन्टिनेटल प्रालिले रिलायन्स फाइनान्स लिमिटेडसंग फोर्स ब्राण्डका सवारीसाधनलाई सहज कर्जा उपलब्ध गराउन वित्तिय सम्झौता गरेको छ ।

आयाम इन्टरकन्टिनेटल प्रालिका तर्फबाट कम्पनीका अध्यक्ष धु्रव थापा र रिलायन्स फाइनान्स लिमिटेडका तर्फबाट सीईओ समज प्रकाश श्रेष्ठ तथा डीसीईओ रामहरी आचार्यले सम्झौतापत्रमा हस्ताक्षर गरेका हुन् ।

सम्झौता अन्तर्गत आयाम इन्टरकन्टिनेटल प्रालिको सिफारिस प्राप्त ग्राहकले फोर्स ब्राण्डका सवारीसाधन खरिदका लागि रिलायन्स फाइनान्सबाट अधिकतम ७० प्रतिशत कर्जा सहज रुपमा प्राप्त गर्न सक्नेछन् ।

यो सुविधा कम्पनीको देशभर रहेका सम्पुर्ण डिलर र रिलायन्स फाइनान्सका विभिन्न शाखाबाट कर्जा उपलब्ध हुने जनाइएको छ । फोर्स मोटर्सको नेपालका २२ प्रमुख स्थानमा डिलर तथा सर्भिस सेन्टरहरु रहेका छन ।

साथै फोर्स मोटर्सका गाडीहरु खरिद गर्न चाहाने ग्राहकहरुलाई दशैं र तिहारको अवसरमा कम्पनीले आकर्षक योजनाहरु सार्वजनिक गरेकोे छ । जसअन्तर्गत बैंकमा ग्राहकले तिर्नुपर्ने ब्याजमा ५० प्रतिशत क्यास ब्याक, एक्सचेन्जमा कम्तिमा ४ लाखको मुल्यांकन, १ वर्षको मर्मतसम्हार खर्च र बिमा फ्री लगायतका स्किम सार्वजनिक गरेकोे छ ।