बिर्तामोडमा एकैदिन कामाका ५ यूनिट बिद्युतिय भ्यान हस्तान्तरण

काठमाडौं– कामा ब्रान्डको बिद्युतिय भ्यान एकैदिन ५ यूनिट हस्तान्तरण गरिएको छ । कामा ईभीको नेपालका लागि आधिकारिक वितरक मेगा मोटर्सले विर्तामोडस्थित बिक्रेता बिराट अटो ट्रेडिङमार्फत यी भ्यान हस्तान्तरण गरेको हो ।

१४ सिट क्षमताका यी ईभी भ्यान यात्रुका लागि सहज र आरामदायी हुनुको साथै न्युन मेन्टिनेन्स खर्चका कारण ग्राहकको रोजाइमा पर्न थालेका छन् ।

यसको आकर्षक डिजाइन, १८० एमएम ग्राउन्ड क्लिरियन्स र मजवुत बनावटका कारण सहर तथा ग्रामिण भेगमा सहजताका साथ चलाउन सकिन्छ ।

कामा ईएसपी ७ मा ५३.५६ किलोवाट आवरको ब्याट्री प्याक जडान गरिएको छ । साथै, यसमा ७० किलोवाट क्षमताको शक्तिशाली मोटर राखिएको छ, जसले उच्चतम पावर र टर्क जेनेरेट गर्दछ ।

यस ईभी भ्यानलाई एकपटक फुल चार्ज गर्दा ३५० किलोमिटरसम्म गुडाउन सकिन्छ ।