२०७७ चैत ३० सोमबार,

कारमा प्रविधि : यी ५ विशेष प्रविधिका कारण चर्चामा रहयो वर्ष २०२०

Post adv

अटोमोबाइल क्षेत्रले सन् २०२० मा निकै मुश्किलको सामना गर्नु प-यो । यद्यपि वर्षको अन्त्यमा भने केही राहत मिलेको मान्न सकिन्छ । कोरोना भाइरसको प्रकोपका डरले गरिएको लकडाउन र अन्य कारण विश्व अटोमोबाइल बजारमा निकै नै उतारचढाव आयो ।

हाल सबै अटोमोबाइल कम्पनीले नयाँ नयाँ टेक्नोलोजीको विकास गरिरहेका छन् । यो वर्ष पनि यस्तै नयाँ र आधुनिक टेक्नोलोजी चर्चामा रहे ।

वायरलेस एन्ड्रोइड र एप्पल कारप्ले
केही वर्ष अगाडि मात्र यो प्रविधिको विकास गरिएको थियो । हाल लन्च हुने सम्पूर्ण कारमा सो टेक्नोलोजी उपलब्ध रहेको छ । कारमा १० इन्चको टचस्क्रिन इन्फोटेनमेन्ट सिस्टम पनि देख्न सकिन्छ । सस्तो एन्ड्रोइड स्मार्टफोनलाई पनि बिना तार कनेक्ट गर्न सकिन्छ । यद्यपि हालको लागि फोनलाई वायरले कनेक्ट गर्नु पर्ने हुन्छ । तर पछिल्लो समयमा वायरलेस कारप्ले समेत उपलब्ध हुन थालेका छन् । हालै लन्च गरिएको निसान म्याग्नाइटमा यो वायरलेस रहेको छ ।

एयर प्युरिफायर र भाइरस प्रोटेक्सन
यो वर्ष कोरोना भाइरसको कारणले गर्दा कारमा पनि यस प्रकारको टेक्नोलोजीको आवश्यकता छ भन्ने महसुस हुन थालेको छ । हाल प्रदूषणको कारण वातावरण दुषित हुन थालेको छ । यही कुरालाई मध्यनजर गर्दै अटो कम्पनीले कारमा एयर प्युरिफिकेसन सिस्टम र भाइरस प्रोटेक्सन दिन शुरु गरेका छन् । किया सोनेट र निसान म्याग्नाइटमा सो फिचर समावेश गरिएको छ । हालै लन्च गरिएको हुन्डाई आई२० मा अक्सिजन बुस्ट फिचर समावेश गरिएको छ ।

Advertise Eleven Advertise Ten Advertise Nine

कनेक्टेड कार टेक्नोलोजी
सन् २०२० मा सबैभन्दा बढी कनेक्टेड कार टेक्नोलोजी देखिएको छ । सन् २०१९ मा यसको शुरुवात ब्रिटिश अटोमोबाइल कम्पनी एमजी मोटरले गरेको थियो । त्यसपछि सो प्रविधि कियाको सेल्टोस एसयूभीमा प्रस्तुत गरिएको थियो । सो फिचर हालको लागि लग्जरी कारमा मात्र उपलब्ध रहेको छ । यद्यपि हुन्डाईको लोकप्रिय ह्याचब्याक आई२० मा सो फिचर समावेश गरिएको छ ।

ठूलो टचस्क्रिन
२०२० मा लन्च गरिएका सबै कारमा ठूलो टचस्क्रिन देख्न सकिन्छ । शुरुवातमा टचस्क्रिन सिस्टम लन्च हुँदा यो ७ इन्चको थियो । तर सोनेट र आई२० मा १०.२५ इन्चको सिस्टम समावेश गरियो । यसलाई प्रयोग गर्न पनि सजिलो हुनुका साथै कैयौ भ्वाइस अपरेटेड पनि उपलब्ध रहेको छ । साथै डिजिटल इन्स्ट्रयुमेन्ट कन्सोल पनि फुल्ली डिजिटल भइसकेको छ । पहिला सेमी डिजिटलको ट्रेन्ड चलेको थियो ।

एडीएएस टेक्नोलोजी
कैयो कारमा हाल एडभान्स ड्राइभर असिस्टेन्स सिस्टम देख्न सकिन्छ । एमजी ग्लोस्टरमा ड्राइभर असिस्टेन्स सिस्टमको साथै लेवल १ अटोनोमस टेक्नोलोजी समावेश गरिएको छ । ग्लोस्टर पहिलो कार हो जसमा अटोमेटेड कोलिजन असिस्टेन्स सिस्टम, ड्राइभर फ्याटिग सिस्टम, अटोमेटेड इमरजेन्सी ब्रेक्सको साथमा असिस्टेन्स फिचर उपलब्ध रहेको छ । यद्यपि सो सिस्टम महँगो कारमा मात्र उपलब्ध रहेको छ । सस्तो कारमा पनि सो सिस्टम उपलब्ध हुने विश्वास गरिएको छ ।

Post adv

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...