यस्ता छन् हालै सार्वजनिक भएको टाटा टिगोर ईभीका ५ विशेषताहरु

टाटा टिगोर र टिगोर ईभी दुबै बजारमा लन्च भइसकेको छ । हालै टाटा मोटर्सले टाटा टिगोरको इलेक्ट्रिक कार लन्च गरेको छ । सो इलेक्ट्रिक कारको बारेमा ५ विशेषता यस्तो रहेको छ ।

ब्याट्री
२०२१ टाटा टिगोर ईभीले स्ट्यान्डर्ड परीक्षणको समयमा सिंगल चार्जमा ३०६ किलोमिटर रेन्ज दिएको थियो । उक्त रेन्ज एआरएआईद्वारा प्रमाणित गरिएको थियो । तर, सडकको अवस्थालाई हेर्ने हो भने यसको आँकडा २५० किलोमिटर हुने अनुमान गरिएको छ । टाटाको सो नयाँ कारमा २६ केडब्ल्युएचको ब्याट्री प्याक समावेश गरिएको छ । जो कम्पनीको एसयूभी भन्दा कम रहेको छ । उक्त इलेक्ट्रिक कार फुल चार्ज हुनको लागि करिब ८ घन्टाको समय लाग्छ । घरेलु १५ए सकेटबाट चार्ज गर्दा ८ घन्टामा ८० प्रतिशतसम्म चार्ज हुन्छ ।

परफर्मेन्स
टिगोर ईभीमा भएको जिपट्रोन टेक्नोलोजीले यसको परफर्मेन्सलाई उत्कृष्ट बनाउछ । कारले ७४ बीएचपीको पावर र १७० एनएमको टर्क जेनेरेट गर्ने कम्पनीले दाबी गरेको छ । सो कारले ० देखि ६० किलोमिटर प्रति घन्टाको स्पिड लिनको लागि ५.७ सेकेन्डको समय लाग्छ । कारको टप स्पिड १२० किलोमिटर प्रति घन्टा रहेको छ ।

कलर अप्सन
कम्पनीले टिगोर ईभी मुख्य रुपमा तीन भेरिएन्टमा प्रस्तुत गरेको छ । यसमा एक्सई, एक्सएम र एक्सजेड प्लस समावेश रहेको छ । डुअल टोन कलर एक्सजेड प्लसमा मात्र उपलब्ध रहेको छ ।

फिचर
२०२१ टिगोर ईभीको फेसलाई पनि अपडेट गरिएको छ । यसको साथै कारमा डिजाइन फ्रन्ट ग्रील, बम्पर, हेलोजन हेड लाइट रहेको छ र यो एलईडी र डीआरएलएसको साथमा उपलब्ध रहेको छ । साथै कारमा अलोय ह्वीलमा ब्लु एक्सेन्ट पनि रहेको छ । टिगोर ईभीमा ७ इन्च टचस्क्रिन इन्फोटेनमेन्ट, हरमन अडियो सिस्टम र अल डिजिटल ड्राइभर डिस्प्लेको साथमा निलो रङको सिलाइको अपहोलस्ट्री पनि समावेश गरिएको छ ।

मूल्य र वारेन्टी
टिगोर ईभीको एक्सई भेरिएन्टको सुरुवाती मूल्य ११ लाख ९९ हजार भारु रहेको छ । यसको एक्सएम भेरिएन्टको मूल्य १२ लाख ४९ हजार भारु र एक्सजेड भेरिएन्टको मूल्य १२ लाख ९९ हजार भारु रहेको छ । कम्पनीले कारमा ८ वर्ष र १ लाख ६० हजार किलोमिटरको ब्याट्री र वारेन्टी प्रदान गरेको छ ।