यस्ता छन् विश्वको पहिलो सोलार पावर्ड हम्बल वान इलेक्ट्रिक एसयूभीका ५ विशेषता

अटोमोबाइल क्षेत्रले पेट्रोल र डिजेल भन्दा सस्तो विकल्पको रुपमा इलेक्ट्रिक भेइिकलमा जोड दिइरहेको छ । क्यालिफोर्नियाको स्टार्टअप कम्पनी हम्बल मोटरले एउटा विकल्प प्रस्तुत गरेको छ । कम्पनीले सोलार पावरबाट चल्ने इलेक्ट्रिक भेइकल कन्सेप्ट कार सार्वजनिक गरेको छ, जसले हाल निकै नै चर्चा पाइरहेको छ ।

विश्वको पहिलो सोलार पावर्ड भेइकल
हम्बल वान विश्वको पहिलो सोलार पावर्ड भेइकल होइन । यो भन्दा पहिला हुन्डाई सोनाटा र कर्मा रिभेरोमा यो प्रविधि देखिएको छ । यद्यपि यो एसयूभीको छतमा सोलार प्यानल भएको पहिलो कार हुनेछ । कम्पनीका अनुसार सो एसयूभीमा सोलार प्यानलबाट कारको व्याट्री चार्ज हुनुका साथै राम्रो ड्राइभिङ रेन्ज प्रदान गर्छ ।

डिजाइन
सो एसयूभीको डिजाइन केही हदसम्म क्रसओभर मोडल जस्तो देखिन्छ । यसको रुफ र विन्डोमा ८० वर्गफुटको सोलार प्यानल जडान गरिएको छ । जसले कारको व्याट्रीलाई चार्ज गर्न मदत गर्छ । रिपोर्ट अनुसार सोलार प्यानलको चार्जिङबाट कार ड्राइभ गरेमा प्रतिदिन ९६ किलोमिटरको ड्राइभिङ रेन्ज प्रदान गर्छ ।

टेस्ला कार भन्दा हल्का
राम्रो माइलेजको लागि हम्बल वान कारको तौललाई पनि कम्पनीले विशेष ध्यान दिएको छ । सो कारको कुल वजन १८१४ किलोग्राम रहेको छ । सो कार टेस्ला मोडल एस भन्दा ३४८ किलोग्राम हल्का रहेको छ । इन्टरनल व्याट्रीमा सो एसयूभीले सिंगल चार्जमा करिब ८०० किलोमिटरसम्म ड्राइभिङ रेन्ज प्रदान गर्छ । सो एसयूभीको पिकअप पनि टेस्ला भन्दा उत्कृष्ट रहेको छ ।

स्पेस
सो एसयूभीमा बस्नका लागि निकै ठूलो स्पेस रहेको छ । सो एसयूभीमा कुल ५ जना बस्न सकिन्छ । यसमा ८० वर्गफुटको फोटोभोल्टिक सोलार सेल्स जडान गरिएको छ । यसको लम्बाइृ १९८ इन्च रहेको छ । रिपोर्ट अनुसार सो इलेक्ट्रिक मोटरले १०२० एचपीसम्मको पावर जेनेरेट गर्छ । सो कारको टप स्पिड २६० किलोमिटर प्रति घन्टा रहेको छ । यसको साथै सो एसयूभी २.५ सेकेन्डमा ० देखि १०० किलोमिटर प्रति घन्टाको स्पिड लिने क्षमता रहेको छ ।

एसयूभीको मूल्य र लन्चिङ समय
हालसम्म हम्बल मोटरले सो एसयूभीमा प्रयोग गरिएको टेक्नोलोजीको बारेमा जानकारी दिएको छैन । लन्चिङ भन्दा पहिला सो एसयूभीको मूल्यको बारेमा भन्न गाह्रो छ । अटो एक्सपर्टका अनुसार सो कारको मूल्य १ लाख ९ हजार डलर हुने अनुमान गरिएको छ । सो कारको बकिङ सुरु भइसकेको छ । सो कारको डेलिभरी २०२४ देखि सुरु हुनेछ ।