भारतमा मेड इन इन्डिया हाइड्रोजन फ्युल बस सुरु

भारतमा पहिलो पटक स्वदेशी रूपमा विकसित हाइड्रोजन फ्युल सेल बसको उद्घाटन गरिएको छ । यो बस वैज्ञानिक तथा औद्योगिक अनुसन्धान परिषद् र निजी फर्म केपीआईटी लिमिटेडले बनाएको हो र यसलाई पुणेमा प्रदर्शन गरिएको थियो ।

भारतको केन्द्रीय विज्ञान तथा प्रविधि राज्यमन्त्रीले प्रधानमन्त्री मोदीको हाइड्रोजन भिजन भारतलाई आत्मनिर्भर र सुलभ स्वच्छ ऊर्जा सुनिश्चित गर्न, जलवायु परिवर्तनका लक्ष्य पूरा गर्नका साथै नयाँ व्यवसाय र रोजगारी सिर्जना गर्न महत्वपूर्ण रहेको बताएका छन् । उनले भने, ‘ग्रीन हाइड्रोजन उत्कृष्ट स्वच्छ ऊर्जा भेक्टर हो जसले प्रशोधन उद्योग, मल उद्योग, स्टिल उद्योग, सिमेन्ट उद्योग र भारी व्यावसायिक यातायात क्षेत्रलाई डिकार्बोनाइज गर्न पूर्ण रूपमा सक्षम छ ।’

बस चलाउनको लागि फ्युल सेलले हाइड्रोजन र हावा प्रयोग गरी बिजुली उत्पादन गर्ने र बसबाट पानी मात्र निस्कने सिंहले बताए । त्यसैले यो सम्भवतः यातायातको सबैभन्दा पर्यावरण अनुकूल मोड हुनेछ । लामो दूरीको रुटमा चल्ने डिजेल बसले वार्षिक रूपमा १०० टन कार्बन डाइअक्साइड उत्सर्जन गर्छ ।

डिजेलमा चल्ने ट्रकको तुलनामा हाइड्रोजन फ्युल सेल ट्रकको सञ्चालन लागत कम हुने गर्छ । हाइड्रोजन इन्धन सेल वाहनले सहरी क्षेत्रमा उत्सर्जन हटाउन उत्कृष्ट माध्यम प्रदान गर्दछ ।