जिपको पहिलो इलेक्ट्रिक एसयूभी, यस्ता छन् विशेषता

जिपले नयाँ इलेक्ट्रिक एसयूभी एभेन्जर सार्वजनिक छ । कम्पनीले ल्याएको यो पहिलो ब्याट्री इलेक्ट्रिक भेइकल हो । यो युरोपमा डिजाइन गरिएको हो र युरोपेली देशका लागि बनाइएको हो । सो इलेक्ट्रिक एसयूभ पहिलो पटक पेरिस अटो शो २०२२ मा देखाइएको थियो ।

सो एसयूभीको डिजाइन जिपका अन्य एसयूभी जस्तै बनाइएको छ । यसको फ्रन्टमा जिपका अन्य एसयूभी जस्तै ग्रिल दिइएको छ, जसका कारण एसयूभीको लुक मस्कुलर देखिन्छ ।

यसमा १६ इन्चको अलोय ह्विल, साइडमा कालो क्लेडिङ, एक्स आकारको रियर एलईडी हेडलाइट, रुफ माउन्टेड स्पोइलर, रियर वाइपर, शार्क फिन एन्टेना, प्यानारोमिक सनरुफ दिइएको छ । साथै एसयूभीमा इन्टिग्रेटिभ डीआरएलसँगै एलईडी हेडलाइट सेटअप, बम्परमा फगल्याम्प, ठूलो एयर ड्याम, फ्रन्ट पार्किङ सेन्सर दिइएको छ ।

नयाँ ईभी एभेन्जरको इन्टेरियरमा १०.२५ इन्च इन्फोटेनमेन्ट टचस्क्रिन, वायरलेस एन्ड्रोइड अटो र एप्पल कारप्ले, १०.२५ इन्च इन्स्ट्रयुमेन्ट क्लस्टर, पावर एड्जस्टेबल सिट, मल्टि कलर्ड एम्बियन्ट लाइटिङ, पावर्ड टेलगेट, लेभल–२ एडीएएस, ३६० डिग्री क्यामेरालगायत अन्य फिचर दिइएको छ ।

यसमा ५४ केडब्ल्युएच क्षमताको ब्याट्री प्याक दिइएको छ । जसले १५४ बीएचपी पावर र २६० एनएमको टर्क जेनेरेट गर्छ । यसको ड्राइभिङ रेन्ज ४०० किमी छ । सो एसयूभी फास्ट चार्जरबाट २४ मिनेटमा २० देखि ८० प्रतिशतसम्म चार्ज गर्न सकिन्छ ।