कावासाकीको पहिलो इलेक्ट्रिक बाइकको टिजर सार्वजनिक, जुन ७ मा सार्वजनिक गरिने

कावासाकी युएसले हालै ट्विटरमार्फत आफ्नो पहिलो इलेक्ट्रिक बाइकको टिजर भिडियो सार्वजनिक गरेको छ । आगामी जुन ७ मा अन्य केही उत्पादनका साथ यो बाइक समेत सार्वजनिक गरिने बताइएको छ ।

टिजर भिडियोमा एउटा सानो मोटोक्रस डर्ट ट्रयाकतिर उडिरहेको एउटा ड्रोन देखाइएको छ, जहाँ एउटा फुल्ली गियरसहितको राइडर उभिरहेको देखाउछ । टिजर अनुसार सो राइडर एउटा सानो बालक हुन्छ र उ निकै नै आत्मविश्वासका साथ उभिएको हुन्छ ।

टिजरको अन्त्यमा एउटा हरियो कलरको प्रकाश देखिन्छ र यस पछि ‘द गुड टाइम फर इलेक्ट्रिक’ मेन्सन गरिएको छ भने मिति चाहिं ‘जुन ७’ भनिएको छ ।

यसका आधारमा आगामी दिनमा कावासाकीले पहिलो इलेक्ट्रिक मोटरसाइकलको रुपमा बालबालिकाका लागि मोटोक्रस वा डर्ट बाइक बजारमा ल्याउन लागेको अनुमान समेत गरिएको छ । सो बाइक कावासाकीका लोकप्रिय डर्ट बाइकमा आधारित हुनेछ ।

सो बाइकको अन्य विस्तृत विवरण अहिले नै सार्वजनिक गरिएको छैन । आगामी दिनमा अन्य थप विवरण र मूल्य समेत सार्वजनिक हुने अनुमान गरिएको छ ।

नेपाली बजारमा हाल कावासाकीका मोटरसाइकल बिक्रीका लागि उपलब्ध छैनन् । कावासाकीले यो मोटरसाइकल हाल अमेरिकी बजारलाई लक्ष्यित गर्नेछ । त्यसैले अहिले नै नेपाली बजारमा आउने सम्भावना भने हुँदैन ।

तस्बिर : कावासाकीको प्रतिनिधित्वको लागि मात्र ।