सम्भवतः नेपालकै पहिलो घटना – इलेक्ट्रिक ट्याक्सीमै जन्मियो शिशु

काठमाडौं – नेपालमा इलेक्ट्रिक ट्याक्सी अर्थात ईभी ट्याक्सी चल्न थालेको धेरै भएको छैन । आज पहिलो पटक इृभी ट्याक्सीमै नवजात शिशुको जन्म भएको छ ।

लोकप्रिय फेसबुक पेज रुटिन अफ नेपाल बन्दले एक तस्बिर प्रकाशित गरेको छ । विपेश खड्काले खिचेको सो तस्बिरमा ईभी ट्याक्सी र त्यसमा मानिसहरु झुम्मिएको देखिन्छ ।

जानकारी अनुसार कलंकीमा एक जना गर्भवती महिलालाई लिएर गएको ईभी ट्याक्सी अस्पताल पुगे पनि सुत्केरी वार्ड नभएको र ढिला भइसकेको कारण मेडिकल स्टाफहरुले ट्याक्सीमै शिशु जन्माउन मद्दत गरे ।

यस अनुसार यो सम्भवतः ईभी ट्याक्सीमै जन्मिएको पहिलो शिशु हुन सक्ने अनुमान गरिएको छ ।