एसजे मोटोको एक वर्ष : ७ हजारले गरे भ्रमण

काठमाडौं – चर्चित अटोमोबाइल व्यवसायी सौरभ ज्योतिले एसजे मोटो शुभारम्भ गरेको एक वर्ष पुरा भएको छ । यो अवधिमा ७ हजारले एसजे मोटोको भ्रमण गरेको उनले बताएका छन् ।

बाइकका शौखिन ज्योतिले पुराना मोडल र अहिलेको नयाँ मोडलका समेत महंगा बाइकहरु एसजे मोटोमा राखेका छन् । कान्तिपथमा यसको सोरुम छ ।

एसजे मोटो नेपालमा नयाँ र आकर्षक सुपरबाइकहरुको सोरुम हो । यहाँ ऐतिहासिक सुपरबाइकहरु समेत पाइन्छन् । यहाँ अर्गानिक नेपाली कफि सप समेत छ । 

एसजे मोटोमा सन् १९६५ देखि यताका ऐतिहासिक मोटरसाइकलहरु ग्यालरीमा राखिएका छन् । जुन, २५ वर्षदेखि कलेक्सन गरिएको हो ।  ग्यालरीमा होण्डा, एमभी अगस्टा, यामाहा डुकाटी, हार्ले डेभिडसन, सुजुकी, बजाज लगायत थुप्रै चर्चित ब्राण्डहरू प्रदर्शनका लागि राखिएको छ ।